Трашкуны

Трашку́ны (па-летувіску: Troškūnai) — горад у цэнтральнай Летуве, знаходзіцца ў Анікштаўскім раёне Уцянскага павету. Зьяўляецца адным з самых маленькіх гарадоў Летувы. Колькасьць насельніцтва налічвае каля 480 чалавек. Горад адносіцца да этнаграфічнага рэгіёну Аўкштота.

Трашкуны
лет. Troškūnai
Герб Трашкунаў
Першыя згадкі:	1696
Горад з:	1956
Краіна:	Летува
Павет:	Уцянскі
Раён:	Анікштаўскі
Вышыня:	84 м н. у. м.
Насельніцтва:	486 чал. (2010)
Часавы пас:	UTC+2
летні час:	UTC+3
Тэлефонны код:	381
Паштовы індэкс:	LT-29033
Геаграфічныя каардынаты:	55°35′10″ пн. ш. 24°52′10″ у. д.
Трашкуны на мапе Летувы Трашкуны
Галерэя здымкаў у Вікісховішчы

Гісторыя

Першыя гістарычныя згадкі пра Трашкуны адносяцца да 1696 году. Бэрнардынцамі Ўладзіславам і Ганнай Сакалоўскімі былі пабудаваны касьцёл і манастыр. Паселішча знаходзілася ў складзе Вялікага Княства Літоўскага. Трашкулы лічацца месцам нараджэньня Канстатнытаса Сырвідаса^[1], які лічыцца заснавальнікам летувіскай пісьменнасьці. У 1795 годзе Трышкуны трапілі ў склад Расейскай імпэрыі. Падчас Першай сусьветнай вайны зь лета 1915 году Трашкуны былі занятыя нямецкімі войскамі. З 1940 году да 1991 году Трашкуны ўваходзілі ў склад Летувіскай ССР, СССР. Гарадзкія правы Трашкуны атрымалі ў 1956 годзе. Герб Трашкунаў быў зацьверджаны 2 чэрвеня 2003 году. Аўтарам выявы гербу стаў Роландас Рымкунас (Rolandas Rimkūnas)^[2].