Тутэйшыя (літаб’яднаньне)

«Тутэ́йшыя» — беларускае літаратурнае аб’яднаньне ў 1986^[1]—1990 роках. Пазьнейшая афіцыйная назва — Таварыства маладых літаратараў пры СП БССР.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Тутэйшыя.

Аб’ядноўвала каля 80 аўтараў. У кіраўніцтва Таварыства ўваходзілі:^[2]

• Старшыня — Алесь Бяляцкі.
• Намесьнік старшыні — Сяргей Кавалёў.
• Адказны за паэзію — Анатоль Сыс.
• Адказны за прозу — Адам Глёбус.
• Адказны за дзіцячую літаратуру — Пятро Васючэнка.
• Адказны за драматургію — Уладзімер Сьцяпан.
• Адказны за выступы — Міхась Талочка.

Таварыства выдавала самвыдатаўскі бюлетэнь «Кантроль» (1988—1989)^[3] і самвыдатаўскі альманах «Літаратура» (1989—1990)^[4].

У 1988 року таварыства стала арганізатарам сьвяткаваньня першых «Дзядоў»^[5]. Пазьней шматлікія ўдзельнікі «Тутэйшых» сталі заснавальнікамі «Мартыралёгу Беларусі» і БНФ Адраджэньне.