Тыранскі ўнівэрсытэт

Тыранскі ўнівэрсытэт (па-альбанску: Universiteti i Tiranës) — найбуйнейшая і найбольш значная ВНУ Альбаніі. Утвораны ў 1957 годзе на падставе Інстытуту навук і 4 іншых ВНУ. З 1985 па 1992 гады насіў імя генэральнага сакратара кампартыі Энвэра Ходжы (Universiteti i Tiranës «Enver Hoxha»).

Тыранскі ўнівэрсытэт
Universiteti i Tiranës
Лягатып
Заснаваны	16 верасьня 1957
Месцазнаходжаньне
Горад	Тырана, Альбанія
Краіна	Альбанія
Знаходзіцца ў складзе	Зьвяз міжземнаморскіх унівэрсытэтаў[d], Асацыяцыя эўрапейскіх унівэрсытэтаў[d][1], Унівэрсытэцкая агенцыя франкафоніі[d][2], Unica Network[d] і Uninovis[d]
Вэб-сайт	unitir.edu.al (альб.) unitir.edu.al/en/ (анг.)
Тыранскі ўнівэрсытэт у Вікісховішчы

Першапачаткова ўнівэрсытэт меў дзесяць факультэтаў, і ў 1991 годзе ён быў падзелены на політэхнічны ўнівэрсытэт Тыраны, які ўключыў у свой склад інжынэрныя факультэты, і ўласна Тыранскі ўнівэрсытэт, які ўключыў сем іншых факультэтаў: гуманітарныя, эканамічныя, натуральныя навукі і мэдыцынскі.

Ва ўнівэрсытэце навучаецца больш за 14,000 студэнтаў, штат прафэсарска-выкладчыцкага складу — больш за 600 чалавек.

Факультэты

• Факультэт мэдычны
• Факультэт сацыяльных навук
• Факультэт прыродазнаўчых навук
• Факультэт гісторыі і філалёгіі
• Факультэт права
• Факультэт эканамічных навук
• Факультэт замежных моў