Тэнцынг Норгэй

Тэнцынг Норгэй (нар. 15 траўня 1914 году — пам. 9 траўня 1986 году) — нэпальскі шэрпа, які нарадзіўся ў Кхумбу, разам з Эдмундам Гілары 29 траўня 1953 году зьдзейсьніў першы ўзыход на Эвэрэст — самую вялікую гару на Зямлі.

Тэнцынг Норгэй
Tenzing Norgay
Род дзейнасьці	альпінізм
Дата нараджэньня	15 траўня 1914
Месца нараджэньня	Кхумбу, Нэпал
Дата сьмерці	9 траўня 1986
Месца сьмерці	Дарджылінг, Індыя
Прычына сьмерці	кровазьліцьцё ў мозаг[d]
Месца пахаваньня	Himalayan Mountaineering Institute[d][1]
Занятак	падарожнік-дасьледнік, горны праваднік, аўтабіёграф, альпініст
Навуковая сфэра	Himalayan mountaineering[d]
Дзеці	Ямлінь Тэнцынг Норгэй[d]
Узнагароды	Вялікі залаты мэдаль за дасьледаваньні[d] (1955)
Подпіс
Тэнцынг Норгэй у Вікісховішчы

У 1935, 1936 і 1938 г.г. Тэнцынг працаваў як праваднік для брытанскіх экспэдыцый, якія спрабавалі скарыць Эвэрэст з тыбэцкага, паўночнага боку. У 1951 годзе ён браў удзел, у якасьці правадніка ў францускай экспэдыцыі на гару Нанда Дэві. Ён лічыў гэтую экспэдыцыю самай складанай у сваім жыцьці. У 1952 годзе браў удзел у двух швайцарскіх экспэдыцыях на Эвэрэст і пад час адной зь іх, разам з Р. Ламбэртам дасягнуў рэкорднай вышыні — 8600 м.

У 1953 годзе Норгэй узяў удзел у брытанскай экспэдыцыі на Эвэрэст, пад кіраўніцтвам Джона Ханта і 29 траўня, разам з Эдмундам Гілары дасягнуў вяршыні. За гэтае ўзыходжаньне Тэнцыг Норгэй быў узнагароджаны Нэпальскай Зоркай — вышэйшай узнагародай Нэпала і мэдалём Георга VІ (брытанскай узнагародай).

Статуя Норгэю ў Нэпале

Пасьля гэтага падарожжа Тэнцынг Норгэй пераехаў у Індыю, дзе быў кіраўніком Гімалайскага Горнага Інстытута (Himalayan Mountaineering Institute) і быў старшынём супольнасьці Шэрпаў.