Управа ўнутраных справаў Віцебскага аблвыканкаму

Управа ўнутраных справаў Віцебскага аблвыканкаму — управа Міністэрства ўнутраных справаў Беларусі па Віцебскай вобласьці.

Управа ўнутраных справаў Віцебскага аблвыканкаму
Скарот	УУС ВАВК
Від	праваахоўны
Праўны стан	выканаўчы орган
Сядзіба	прасп. Фрунзэ, д. 41а
Месцазнаходжаньне	Віцебск
Дзейнічае ў месцах	Віцебская вобласьць
Сяброўства	Міністэрства ўнутраных справаў Беларусі
Службовыя мовы	беларуская, расейская
Управа
Начальнік	Андрэй Любімаў
1-ы намесьнік	Аляксей Шаховіч
Намесьнікі	Аляксандар Чарняўскі, Сяргей Завадзкі[1]
Начальнік управы крымінальнага вышуку	Аляксей Цяпко
Начальнік управы ДАІ	Міхаіл Дзядзічкін[2]
Галоўная ўправа	Віцебскі абласны выканаўчы камітэт
Зьвязаныя службы	Віцебскі АУСТ, Наваполацкі ГАУС
Старонка ў сеціве	vitebsk.mvd.gov.by

Месьціцца ў м. Віцебску. Мае ў падпарадкаваньні раённыя і мескія аддзелы ўнутраных спраў Віцебскае вобласьці. Начальнік УУС прызначаецца міністрам унутраных спраў і мае званьне генерал-маёр міліцыі.

Склад

На 2022 год УУС Віцебскага аблвыканкаму мела ў сваім складзе:

• крымінальную міліцыю ў складзе: 3-х управаў — 1) барацьбы з эканамічнымі злачынствамі, 2) крымінальнага вышуку, 3) наркакантролю і супрацьдзеяньня гандлю людзьмі, 4) супрацьдзеяньня кібэрзлачыннасьці; аддзелу апэратыўна-інфармацыйнай працы^[3];
• міліцыю грамадзкай бясьпекі, што ўлучала: 3 управы — 1) аховы правапарадку і прафіляктыкі, 2) грамадзянства і міграцыі, 3) дзяржаўнай аўтамабільнай інспэкцыі; 2 аддзелы — 1) апэратыўна-дзяжурнай службы, 2) наглядальна-выканаўчай дзейнасьці; 2 ізалятары — 1) спэцыялізаваны, 2) часовага ўтрыманьня; адрасна-даведкавае бюро^[4];
• іншыя 13 падразьдзяленьняў: 2 управы — 1) Галоўнай управы ўласнай бясьпекі, 2) фінансаў і тылу; 3 аддзелы — 1) абароны дзяржаўных сакрэтаў і дакумэнтацыйнага забесьпечэньня, 2) ідэалягічнай працы, 3) кадраў; 3 цэнтры — 1) інфармацыйны, 2) культурна-выхаваўчай працы, 3) падрыхтоўкі асабістага складу; вайсковая часьць 5524, групу інфармацыі і грамадзкіх сувязяў, музэй, мэдычную службу Дэпартамэнту фінансаў і тылу, а таксама штаб;
• 26 тэрытарыяльных падразьдзяленьняў, зь іх 21 у раёнах вобласьці, 3 у Кастрычніцкім, Першамайскім і Чыгуначным раёнах Віцебску, Аршанскую РУУС і Наваполацкі гарадзкі аддзел унутраных справаў, а таксама Аршанскі аддзел унутраных справаў на транспарце^[5].

Тэрытарыяльныя падразьдзяленьні

На 2022 год УУС Віцебскага аблвыканкаму налічвала 26 тэрытарыяльных падразьдзяленьняў, у тым ліку Аршанскі аддзел унутраных справаў на транспарце, Аршанскую раённую ўправу ўнутраных справаў і Наваполацкі гарадзкі аддзел унутраных справаў, Кастрычніцкі, Першамайскі і Чыгуначны раённыя аддзелы ўнутраных справаў (РАУС) Віцебску, а таксама 21 РАУС у раёнах Віцебскай вобласьці: Бешанковіцкі, Браслаўскі, Віцебскі, Дрысенскі, Гарадоцкі, Глыбоцкі, Докшыцкі, Дубровенскі, Лепельскі, Лёзьненскі, Мёрскі, Пастаўскі, Полацкі, Расонскі, Сененскі, Талачынскі, Ушацкі, Чашніцкі, Шаркоўшчынскі і Шумілінскі^[5].

Начальнікі

• Міхаіл Зырын (красавік 1969 — сакавік 1976)
• Альгерд Бараноўскі (29 красавіка 1976 — 27 сакавіка 1985)
• Мечыслаў Грыб (15 лютага 1985 — 13 сьнежня 1990)
• Аляксей Клешчанок (13 сьнежня 1990 — 25 жніўня 1994)
• Аляксандар Пахомаў (1994—1997)
• Валер Гарадзенка (1997—2002)
• Вячаслаў Яўстаф'еў (студзень 2003 — сакавік 2007)
• Леанід Фармагей (2007 — 2008)
• Аляксандар Найдзенка (29 жніўня 2008 — травень 2012)
• Ігар Яўсееў (2012—2015)
• Віктар Сянько (2 красавіка 2015 — 2019)^[6]
• Міхаіл Грыб (28 сакавіка 2019 – 30 кастрычніка 2020)