Уладзіслаў Яцкевіч

Уладзісла́ў Яцке́віч (нар. 29 верасьня 1998 году) — беларускі футбаліст, абаронца «Менску».

Уладзіслаў Яцкевіч
Пэрсанальная інфармацыя
Нарадзіўся	29 верасьня 1998(1998-09-29)[1] (27 гадоў) Смаргонь, Гарадзенская вобласьць, Беларусь[2]
Рост	190 см
Вага	85 кг[2]
Пазыцыя	паўабаронца
Клюбная інфармацыя
Клюб	Менск
Нумар	15
Клюбы
Гады	Клюб	Гульні (галы)¹
2015—2017	Смаргонь	46 (3)
2018	Баранавічы	9 (0)
2018—2019	Смаргонь	18 (0)
2019—2022	Нёман Горадня	12 (0)
2021	→ Смаргонь	26 (1)
2022	→ Слуцак	6 (0)
2023	Слуцак	0 (0)
2023	Смаргонь	12 (0)
2024—2025	Гомель	45 (3)
2025—4	Менск
Зборныя
2019—2020	Беларусь (да 21)	3 (0)

Кар’ера

Клюбная

Выхаванец ДЮСШ Смаргоні, дзе займаўся да 12 гадоў. Пазьней быў запрошаны ў салігорскі «Шахцёр», дзн абараняў колеры юнацкіх камандаў клюбу. У 2015 годзе вярнуўся ў «Смаргонь», за якую пачаў гуляць у Першай лізе, пераважна выходзячы на замену. У сакавіку 2017 году падоўжыў кантракт з смаргонскім клюбам^[3]. У сэзоне 2017 году замацаваўся ў стартавым складзе і быў адным з асноўных гульцоў смаргонцаў. З пачатку 2018 году трэнаваўся ў складзе «Баранавічаў», з трэнэрам гэтага клюбу Іванам Крутавым працаваў у салігорскім «Шахцёры». У лютым 2018 году склаў працоўную ўгоду з баранавіцкім клюбам^[4], аднак ужо ў ліпені таго ж году вярнуўся ў «Смаргонь»^[5].

У ліпені 2019 году стала вядома, што Ўладзіслаў пакідае смаргонскі клюб і працягне кар’еру ў гарадзенскім «Нёмане»^[6]. У жніўні афіцыйна перайшоў да гарадзенцаў, узгодніўшы трохгадовы кантракт^[7]. У Найвышэйшай лізе дэбютаваў 16 жніўня 2019 году, выйшаўшы на замену ў канцы сустрэчы супраць «Іслачы» (1:1). Выступаў пераважна за дубль гарадзенцаў, у першай камандзе звычайна зрэдку выходзіў на замену. У лютым 2021 году на правах арэнды далучыўся да «Смаргоні»^[8]. Стаў трывалым гульцом стартавага складу, але ня выратаваў каманду ад вылету ў Першую лігу. У лістападзе 2021 году па заканчэньні арэнды зышоў з «Смаргоні»^[9].

У студзені 2022 году пачаў трэнавацца зь «Нёманам»^[10]. Зь лютага знаходзіўся на праглядзе ў «Слуцку», які ў сакавіку арандаваў абаронцу^[11]. У пачатку сэзону выходзіў на поле ў складзе слуцкай каманды, а з траўня выбыў праз траўмы і больш не гуляў. У сьнежні 2022 году па заканчэньні арэнды пакінуў слуцкі клюб^[12]. Пагатоў тады ж скончыўся і кантракт зь «Нёманам», і ў студзені 2023 году абаронца падпісаў паўнавартаснае пагадненьне з «Слуцкам»^[13]. У сэзоне 2023 году згуляў за слуцкі клюб толькі ў адным матчы Кубка Беларусі, а ў чэрвені 2023 году па пагадненьні бакоў пакінуў каманду^[14]. У ліпені 2023 году зноў стаў гульцом «Смаргоні»^[15]. Па заканчэньні сэзону зышоў з клюбу^[16], а ў студзені 2024 году ўзмоцніў склад «Гомля»^[17]. У жніўні 2025 году стаў футбалістам «Менску»^[18].

Міжнародная

8 чэрвеня 2019 году дэбютаваў у складзе моладзевай зборнай Беларусі, калі выйшаў у стартавым складзе ў адборачным матчы чэмпіянату Эўропы супраць зборнай Гібральтару (10:0) і быў заменены ў другім тайме.