Унха

Унха або Ынха (па-карэйску: 은하, 銀河 — «Млечны Шлях»)^[1] — сэрыя паўночнакарэйскіх ракет-носьбітаў, грамадзянская вэрсія міжкантынэнтальнай балістычнай ракеты Тэпхадон-2^[2].

Мінуўшчына

Першы запуск ракеты пад назваю Унха-2 адбыўся ў 2006 року. Праз 40 сэкундаў пасьля старту быў зафіксаваны выхад са строю першай ступені, з-за чаго ракета-носьбіт узарвалася за некалькі кілямэтраў ад месца запуску^[3]. Па паведамленьнях японскіх дасьледнікаў, другая яе ступень упала ў Ціхі акіян прыкладна за 3200 км ад месца запуску^[4].

5 красавіка 2009 адбыўся старт, якім ракета «Унха» мела вывесьці на арбіту спадарожнік Кванмянсон-2^[5]. Па паведамленьнях Паўднёвае Карэі і ЗША выхад на арбіту не адбыўся з-за адмовы трэцяй ступені^[6]. Паўночная Карэя паведаміла, што ракета пасьпяхова выйшла на арбіту^[7].

13 красавіка 2012 адбыўся першы запуск ракетаносьбіту Унха-3. Спадарожнік Кванмянсон-3 ня здолеў выйсьці на арбіту і разам з рэшткамі ракеты упаў у Жоўтае мора.

12 сьнежня 2012 а 00:49 UTC (7:49 EST) адбыўся пасьпяховы запуск ракетаносьбіту Унха-3 са штучным спадарожнікам «Кванмянсон-3»^[8]. ЗША пацьвердзілі пасьпяховы запуск.

Назва	Дата	Месца старту	Груз	Заўвагі
Унха-2	5 красавіка 2009	Танхэ	Кванмянсон-2	Лёс спадарожніку невядомы[9]
Унха-3	13 красавіка 2012	Сахэ	Кванмянсон-3	Раньняе перарваньне палёту[10]
Унха-3 модуль-2	12 сьнежня 2012[11][12]	Сахэ	другая вэрсія Кванмянсон-3[13]	Пасьпяховы запуск