Урарту Ерэван

«Ура́рту» (па-армянску: Ակումբ) — армянскі футбольны клюб з гораду Ерэвану. Заснаваны ў 1992 годзе. Двухразовы чэмпіён Армэніі (2014, 2023) і чатырохразовы ўладальнік Кубка Армэніі (1992, 2007, 2016, 2023). Раней меў назву «Бананц».

Урарту
Поўная назва	Բանանց Ֆուտբոլային Ակումբ
Заснаваны	20 студзеня 1992
Горад	Ерэван, Армэнія
Стадыён	Бананц Умяшчальнасьць: 4860
Галоўны трэнэр	Дзьмітры Гунько[d][1]
Чэмпіянат	Прэм’ер-ліга
· 2024—2025	3 месца
Галерэя здымкаў у Вікісховішчы Афіцыйны сайт

Гісторыя

Клюб быў заснаваны пад імем «Бананц» Саркісам Ісраелянам 21 студзеня 1992 году ў горадзе Абавян, прадстаўляючы рэгіён Катайк. Першая назва была абраная на знак ушанаваньня назвы роднай вёскі прадпрымальніка цяпер вядомай як Баян. Паміж 1992 і 1995 гадамі клюб называўся «Бананц». У сэзоне 1992 году каманда здабыла першы Кубак Армэніі. У канцы пераходнага сэзону 1995 году «Бананц» перажыў фінансавы крызіс. Уладальнікі клюбу пастанавілі, што было бы лепш аб’яднаць клюб з «Катайкам» замест таго, каб закрываць праект. У 2001 годзе «Бананц» выйшаў з складу «Катайку» і з Абавяна перабраўся ў сталіцу Ерэван.

У пачатку 2003 году «Бананц» аб’яднаўся з сталічным «Спартаком», але здолеў захаваць сваю назву. Фактычна «Спартак» стаў моладзевай акадэміяй «Бананцу», а пазьней зьмяніў назву на «Бананц-2». Справы ўзьяднанай каманды былі былі скіраваныя на сур’ёзны лад, што адбілася на высокіх пазыцыях у турнірнай табліцы. Клюб стаў уладальнікам Кубка Армэніі ў 2007 годзе. У сэзонах 2008 і 2009 гадоў досьвед саступіў месца моладзі. Разам з двума ўкраінскімі гульцамі быў падпісаны кантракт з угандыйскім футбалістам зборнай Ноа Касуле.

У сьнежні 2009 году ў Ерэван дзеля перамоваў з кіраўніцтвам клюбу прыбыў Стэвіца Кузманоўскі. У студзені 2010 году Кузманоўскі падпісаў кантракт зь ерэванскім клюбам і з 11 чысла пачаў кіраваць камандай. У пляны клюбу ўвайшлі заваёва кубка і здабыцьцё залатых мэдалёў чэмпіянату Армэніі^[2]. Аднак «Бананц» у апошнім кроку ў абодвух выпадках ня даў рады, застаўшыся ў баку ад залатых мэдалёў. «Бананц» прабіўся ў фінал кубка, дзе зазнаў паразу чэмпіёну «Пюніку» зь лікам 0:4^[3]. Дзейнаму чэмпіёну «Бананц» саступіў у Супэркубку, а ў чэмпіянаце Армэніі, пасьля доўгага лідэрства, за некалькі тураў да заканчэньня чэмпіянату прагуляў у вочнай барацьбе таму ж «Пюніку» зь лікам 0:1, прычым адзіны мяч быў праведзены ў даданы час на 92-й хвіліне. У 2011 годзе Кузманоўскі быў звольнены з пасады, а ў сэзоне 2013—2014 гадоў клюб упершыню стаў чэмпіёнам краіны. У 2022 годзе каманду ачоліў расейскі адмысловец Дзьмітры Гунько^[4]. Сэзон 2022—2023 гадоў аказаўся трыюмфальным, бо каманда стала чэмпіёнам краіны, а таксама ўзяла Кубак Армэніі.