Фатас Бэчырай

Фа́тас Бэчыра́й (па-альбанску: Fatos Beqiraj; нар. 5 траўня 1988 году, Пэч, СФР Югаславія) — колішні чарнагорскі футбаліст альбанскага паходжаньня, нападнік нацыянальнай зборнай Чарнагорыі.

Фатас Бэчырай
Пэрсанальная інфармацыя
Нарадзіўся	5 траўня 1988(1988-05-05)[1][2] (37 гадоў) Пэч[d], Сацыялістычны аўтаномны край Косава[d], Сацыялістычная Рэспубліка Сэрбія, СФРЮ[3]
Рост	188 см
Вага	82 кг
Пазыцыя	нападнік
Клюбы
Гады	Клюб	Гульні (галы)¹
2007—2008	Бэса Пэя[d]
2008—2010	Будучнаст Падгорыца	81 (39)
2010—2014	Дынама Заграб	90 (30)
2014	Чанчунь Ятай[d]	28 (7)
2015	Дынама Менск	23 (9)
2016—2017	Дынама Масква	60 (13)
2018	Мэхэлен	4 (0)
2018—2020	Макабі Нэтанія	54 (20)
2020—2021	Вісла Кракаў	10 (0)
2021	→ Бнэй Ягуда	13 (2)
2021	Астана	7 (2)
2022	Дэчыч Тузі	32 (6)
2023	Морнар Бар	16 (2)
Зборныя
2009—2010	Чарнагорыя (да 21)[d]	5 (0)
2009—2022	Чарнагорыя	86 (15)

Кар’ера

Клюбная

Пачаў кар’еру ў клюбе «Бэса» ў чэмпіянаце Косава, у 2008 годзе перайшоў у клюб чарнагорскай лігі «Будучнаст», зь якім стаў чэмпіёнам Чарнагорыі ў сэзоне 2007—2008 гадоў.

30 жніўня 2010 году гулец падпісаў кантракт з харвацкім клюбам «Дынама». У дэбютны сэзон забіў 8 мячоў у 22 сустрэчах, што дазволіла футбалісты стала атрымліваць запрашэньне ў склад нацыянальнай зборнай. Напачатку сэзону 2011—2012 гадоў Бэчырай ня мог адзначыцца ў васьмі матчах запар, аднак забіў свой першы гол у новым сэзоне ў матчы супраць «Карлавацу», які каманда скончыла перамогай зь лікам 5:0. Пасьля Фатас забіў у матчы кваліфікацыі Лігі чэмпіёнаў супраць швэдзкага «Мальмё». Ува ўнутраным першынстве нападнік з 17 верасьня па 18 лістапада ў 8 матчах адзначыўся 8 разоў. 22 лістапада ён адзнаыўся ў выязным матчы Лігі чэмпіёнаў супраць мадрыдзкага «Рэалу» на стадыёне «Сант’яга Бэрнабэў». Па сканчэньні чэмпіянату Бэчырай стаў лепшым бамбардзірам лігі з 15 галамі на сваім рахунку. У 2014 годзе выступаў за кітайскі клюб «Чанчунь Ятай», аднак асаблівых посьпехаў ня меў.

У студзені 2015 году Фатас падпісаў кантракт зь менскім «Дынама» ў статусе вольнага агента^[4]. Пагадненьне разьлічана на 2 гады. У лютым 2016 году перайшоў у маскоўскае «Дынама»^[5].

Міжнародная

З сакавіка 2009 году Бэчырай зьяўляецца гульцом нацыянальнай зборнай Чарнагорыі. Да 2015 году ў складзе нацыянальнай зборнай Чарнагорыі правёў 35 матчаў, дзе адзначыўся 3 галамі. Гулец таксама выказваў жаданьне выступаць за зборную Косава, калі яна будзе афіцыйна прызнаная і атрымае магчымасьць выступаць у турнірах пад эгідай УЭФА і ФІФА^[6].

Дасягненьні

«Будачнаст»:

• Чэмпіён Чарнагорыі: 2008

«Дынама» Загрэб:

• Чэмпіён Харватыі: 2011, 2012, 2013
• Уладальнік Кубка Харватыі: 2011, 2012

«Дынама» Менск:

• Срэбраны прызэр чэмпіянату Беларусі: 2015
• У сьпісе 22 найлепшых футбалістаў чэмпіянату Беларусі: 2015

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Менск	2015	Найвышэйшая ліга	23	9