Фрытаўн

Фрыта́ўн (па-ангельску: Freetown) — сталіца і самы вялікі горад Сьера-Леонэ, разьмешчаны на ўзьбярэжжы Атлянтычнага акіяна. Насельніцтва налічвае 1,07 млн чалавек.

Фрытаўн
анг. Freetown
Герб Фрытаўну Сьцяг Фрытаўну
Першыя згадкі:	1792
Горад з:	1792
Краіна:	Сьера-Леонэ
Кіраўнік:	Yvonne Aki-Sawyerr[d][1]
Плошча:	357 км²
Вышыня:	26 м н. у. м.
Насельніцтва (2015)
колькасьць:	1 055 964 чал.
шчыльнасьць:	2957,88 чал./км²
Часавы пас:	UTC+0
Тэлефонны код:	22
Геаграфічныя каардынаты:	8°29′14″ пн. ш. 13°14′8″ з. д.
Фрытаўн на мапе Сьера-Леонэ Фрытаўн
Галерэя здымкаў у Вікісховішчы
https://fcc.gov.sl/

Фрытаўн зьяўляецца буйным марскім портам, празь які ідзе амаль увесь экспарт-імпарт краіны. Прамысловасьць гораду таксама канцэнтруецца вакол порта, разьвіцьцё атрымала рыбапераапрацоўчая галіна, нафтапераапрацоўчая, і прадпрыемствы апрацоўкі дыямэнтаў.

Тэрыторыя сучаснага Фрытаўну была заселена ў 1787 годзе вызваленымі рабамі, якія прыбывалі з Паўночнай Амэрыкі. У 1792 годзе быў заснаваны сам горад. З 1808 да 1874 году Фрытаўн зьяўляўся сталіцай Брытанскай Заходняй Афрыкі. Падчас Другой сусьветнай вайны горад быў базай брытанскага вайсковага флёта.

У 1990-х гадах горад быў амаль поўнасьцю зруйнаваны падчас грамадзянскай вайны. У 1998 годзе Фрытаўн быў заняты міжнароднымі войскамі, якія спрабавалі вярнуць да ўлады прэзыдэнта Ахмада Кабу.