Хаос (неадназначнасьць)

Хао́с (па-грэцку: Χάος):

• Хаос — катэгорыя касмагоніі, першасны стан Сусьвету, бясформеная сукупнасьць матэрыі і прасторы (у супрацьлегласьць парадку)
• Хаос — у старажытнагрэцкай міталёгіі бязьмерная прастора, часам падземнае, змрочнае бяздоньне. З Хаосу ўтварыліся Гея (зямля), Эрэб (змрок), Эрас (каханьне), Тартар (пекла), Нікта (ноч), ад якіх потым пайшло ўсё, што існуе ў сьвеце. У старажытна-грэцкіх і рымскіх філёзафаў-матэрыялістаў: Хаос — бязладная сумесь матэрыяльных элемэнтаў сьвету.
• Хаос — асноўны вораг сэйляр-ваярак у манга і анімэ «Прыгожая Ваярка Сэйляр Месяц»

• Хаос (пераноснае значэньне):
  • Беспарадак, неразьбярыха^[1]:

«Залп у цэнтры абозу падняў яшчэ большы перапалох і хаос».

— Колас

«На падаконьніку — хаос кніг, ґазэт, канспэктаў лекцыяў, на сьпінцы крэсла — мой гарнітур».

— Дуброўскі

• • Бязладнае зьмяшэньне чаго-н., блытаніна^[1]:

«Была... [сьцежка] не дужа прыкметная ў гэтым хаосе скал, але ўсё ж абое [Іван і Джулія] ураз заўважылі яе і прыемна зьдзівілася».

— Быкаў

«Маладому паэту наогул цяжка было разабрацца ў хаосе групак і школ польскай літаратуры».

— Калесьнік