Харкаўскі лес

Ха́ркаўскі лес^[1] або Магілёўская шаша́ — урочышча на паўднёва-ўсходняй ўскраіне Воршы (каля Магілёўскай шашы, цяпер Мікрараён-3), каля вёскі Панізоўе. Месца масавых расстрэлаў НКУС у 1920—30-х роках.

Месца масавых расстрэлаў
Харкаўскі лес
Краіна	Беларусь
Месцазнаходжаньне	Бабініцкі сельсавет

Назва

Назва «Харкаўскі лес» паходзіць ад суседняй вёскі Харкаўкі^[2]. Другая назва — ад аўтатрасы ў кірунку Магілёва.

Мінуўшчына

У 1920—1930-я рокі чэкісты расстрэльвалі тут сьвятароў^[3][4].

Першыя спробы ўшанаваць памяць адбыліся яшчэ ў канцы 1930-х рокаў^[5]. Паводле некаторых дасьледчыкаў, у 1991 року Аршанскі райвыканкам прыняў рашэньне пра ўсталяваньне мэмарыяльнага знаку на месцах масавых расстрэлаў Кабыляцкая гара і Магілёўская шаша^[6][7], аднак яно дагэтуль ня выкананае^[8]. Таксама, нягледзячы на звароты да ўладаў, тут не было раскопак з мэтай вызначэньня колькасьці ахвяраў^[1][9].

У 2018 року месца расстрэлаў было ўшанаванае крыжам з ініцыятывы грамадзянаў^[1], аднак пазьней той быў зьнішчаны^[5][8].