Харціцкі сельсавет

Харці́цкі сельсавет — былая адміністрацыйна-тэрытарыяльная адзінка ў складзе Мастоўскага раёну Гарадзенскай вобласьці. Цэнтар сельсавету — вёска Харціца.

Харціцкі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Харціца
Дата ўтварэньня	23 ліпеня 1965
Дата скасаваньня	28 жніўня 2013
Насельніцтва	▼1108 чал. (2009)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Русінавецкі сельсавет у складзе Скідзельскага раёну Беластоцкай вобласьці БССР. Цэнтар — вёска Русінаўцы. З 20 верасьня 1944 году ў складзе Гарадзенскай вобласьці.

16 ліпеня 1954 году да сельсавету далучана тэрыторыя скасаванага Лаўненскага сельсавету^[1].

З 25 сьнежня 1962 году ў Гарадзенскім раёне. З 6 студзеня 1965 году ў Мастоўскім раёне.

23 ліпеня 1965 году перайменаваны ў Харціцкі сельсавет, цэнтар перанесены ў вёску Харціца^[2].

28 жніўня 2013 году сельсавет ліквідаваны, усе населеныя пункты — Агароднікі, Казакоўцы, Каўшова, Лаўна, Мазанава, Нёман, Раўкі, Русінаўцы, Харціца, Чарлёна, Чарлёнка — перададзеныя ў склад Дубненскага сельсавету^[3].

Насельніцтва

Насельніцтва сельсавету паводле перапісу 2009 году складала 1108 чалавек^[4], зь іх 75,1% — беларусы, 16,0% — палякі, 6,6% — расейцы^[5].