Ходараўскі сельсавет (Лідзкі раён)

Хо́дараўскі сельсавет — адміністрацыйна-тэрытарыяльная адзінка ў складзе Лідзкага раёну Гарадзенскай вобласьці. Адміністрацыйны цэнтар — вёска Ходараўцы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ходараўскі сельсавет.

Гісторыя

12 кастрычніка 1940 году створаны ў складзе Жалудоцкага (з 17 красавіка 1962 году — Лідзкага) раёну Баранавіцкай (з 20 верасьня 1944 году — Гарадзенскай) вобласьці БССР^[1].

20 верасьня 2002 году сельсавет перайменаваны на расейскай мове (Ходоровецкий → Ходоровский)^[2].

18 кастрычніка 2013 году ў склад сельсавету перададзеныя ўсе населеныя пункты — Бабры, Вялікае Сяло, Голдава, Зіновічы, Ігнаткаўцы, Лесьнікі, Малышы, Семашкі, Хадзюкі, Цьвербуты — ліквідаванага Голдаўскага сельсавету^[3].

Насельніцтва

Насельніцтва сельсавету паводле перапісу 2009 году (15 населеных пунктаў) — 855 чалавек^[4], зь іх 74,4 % — беларусы, 22,5 % — палякі, 1,4 % — цыганы^[5].

Населеныя пункты

• 1 студзеня 1947 году — 5^[6]
• 1 студзеня 1974 году — 15^[7]
• 1 студзеня 1981 году — 15^[8]
• 1 студзеня 1986 году — 15^[9]