Царква Маці Божай Казанскай (Давыд-Гарадок)

Царква Маці Божай Казанскай — помнік гісторыі пачатку XX сагодзьдзя (мураўёўка) у Давыд-Гарадку. Знаходзіцца ў цэнтры места, на гістарычным Старым Рынку^[a]. Дзее. Твор архітэктуры расейскай эклектыкі.

Помнік гісторыі
Царква Маці Божай Казанскай
Царква Маці Божай Казанскай
Краіна	Беларусь
Места	Давыд-Гарадок
Каардынаты	52°03′17.32″ пн. ш. 27°12′44.98″ у. д.
Канфэсія	Беларуская праваслаўная царква і праваслаўе
Эпархія	Пінская япархія
Архітэктурны стыль	псэўдарускі стыль[d]
Царква Маці Божай Казанскай на мапе Беларусі Царква Маці Божай Казанскай
Царква Маці Божай Казанскай на Вікісховішчы

Утварае адзіны ансамбль з брамай і капліцай.

Гісторыя

Мураваную Казанскую царкву Ўрадавага сыноду Расейскай імпэрыі (Маскоўскай царквы) у Давыд-Гарадку збудавалі ў 1913 годзе на месцы драўлянай Прачысьценскай царквы 1844 году.

Архітэктура

Прыклад маскоўска-яраслаўскага кірунку эклектычнай царкоўнай архітэктуры Расейскай імпэрыі. Вылучаецца разьвітай і шматплянавай аб’ёмна-прасторавай кампазыцыяй: прытвор, званіца над трапезнай, кубападобная малітоўная заля з бакавымі прыдзеламі, паўкруглая апсыда з акруглымі рызьніцамі. Сылюэт фармуюць пяць купалоў-цыбулінаў над асноўным аб’ёмам, а таксама купалы-цыбуліны над званіцай, прыдзеламі і апсыдай. На чырвоным цагляным фоне муроўкі сьценаў вылучаюцца пабеленыя элемэнты дэкору: аркатурныя, гарадковыя і шырынкавыя фрызы, кілепадобныя ліштвы і броўкі аркавых аконных праёмаў, кутнія лапаткі.

У такой жа стылістыцы капліца і 3-аркавая брама, завершаная купалам-цыбулінай і бакавымі шатрамі.

Капліца — 8-гранны шатровы аб’ём, завершаны купалам-цыбулінай. Апярэзваецца аркатурным парапэтам у аснаваньні шатра, пасам кілепадобных бровак у фрызавай частцы. Калярыстычнае багацьце архітэктуры стварае спалучэньне чырвонай цаглянай муроўкі сьценаў і пабеленых элемэнтаў дэкору: кутніх лапатак, шырынкавага фрыза, ліштваў аркавых праёмаў^[1].

Галерэя

• Гістарычныя здымкі
• 
  да 1939 г.
• 
  да 1939 г.
• 
  1929 г.
• 
  1941—1944 гг.

Заўвагі

1. Цяперашні афіцыйны адрас — вуліца Савецкая, 15