Царква Покрыва Багародзіцы (Краснае)

Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Красным. Знаходзіцца ў цэнтры колішняга мястэчка, на гістарычнай Маладэчанскай вуліцы^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік гісторыі
Царква Покрыва Багародзіцы
Царква Покрыва Багародзіцы
Краіна	Беларусь
Вёска	Краснае
Каардынаты	54°14′56.49″ пн. ш. 27°04′45.48″ у. д.
Канфэсія	Беларуская праваслаўная царква
Эпархія	Маладэчанская япархія[d]
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Красным збудавалі ў 1889 годзе.

Архітэктура

Прыклад эклектычнай царкоўнай архітэктуры Расейскай імпэрыі. Гэта крыжова-купальны храм з паўкруглай апсыдай, бакавымі прыдзеламі, кароткай трапезнай, да якой далучаецца 3-ярусная званіца (2 васьмярыкі на чацьверыку), завершаная купальным пакрыцьцём, сяродкрыжжа — 8-гранным сьветлавым купальным барабанам, грані якога праразаюцца аркавымі аконнымі праёмамі, дэкараваныя нішамі, паўкалёнкамі і прафіляванымі броўкамі. Падобнымі сродкі выкарыстоўваюцца ў васьмерыку званіцы. Аркавы ўваходны праём мае выгляд кілепадобнага партала. Паліхромная бутавая муроўка спалучаецца з атынкаванымі і пабеленымі элемэнтамі дэкору (кутнія лапаткі, ліштвы аркавых аконных праёмаў, прафіляваныя карнізы і інш.).

У інтэр’еры пануе падкупальная прастора сяродкрыжжа, вылучаная з 4 бакоў аркавымі прасьветамі. Апсыда вылучаецца драўляным іканастасам^[1].

Галерэя

Гістарычныя здымкі

• Старыя здымкі
• 
  каля 1900 г.
• 
  1902 г.
• 
  да 1918 г.
• 
  да 1918 г.

• 
  да 1939 г.
• 
  1941 г.
• 
  1941 г.
• 
  1941—1942 гг.

Сучасныя здымкі

• Сучасны стан
• 
  Агульны выгляд
• 
  Уваход
• 
  Інтэр’ер
• 
  Муроўка

Заўвагі

1. Цяперашні афіцыйны адрас — вуліца 1 траўня, 16