Царква Покрыва Багародзіцы (Сабакінцы)

Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Сабакінцах. Знаходзіцца ў паўднёвай частцы колішняга мястэчка пад адрасам вуліца Школьная, 2А. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік гісторыі
Царква Покрыва Багародзіцы
Краіна	Беларусь
Вёска	Сабакінцы
Каардынаты	53°54′26.91″ пн. ш. 24°38′42.83″ у. д.
Канфэсія	праваслаўе і Беларуская праваслаўная царква
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Гісторыя

Царква, каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Сабакінцах збудавалі ў 1860-я гады на месцы драўлянай царквы Сьвятога Пасаду 1830 году.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Мае 4-часткавую кампазыцыю. Кубападобны аб’ём малітоўнай залі накрываецца шатровым дахам, завершаным купалам-цыбулінай. Праз кароткую трапезную далучаецца 3-ярусная (васьмярык на 2 чацьверыках) шатровая званіца, таксама завершаная купалам-цыбулінай. Да алтарнага фасада далучаецца нізкая прастакутная апсыда пад вальмавым дахам. На фоне паліхромнай бутавай муроўкі сьценаў вылучаюцца атынкаваныя элемэнты архітэктурнага дэкору: аркатурныя фрызы, руставаныя кутнія лапаткі, кілепадобныя ліштвы адзінарных і здвоеных аркавых аконных праёмаў^[1].