Царква Покрыва Багародзіцы (Сянно)

Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Сяньне. Знаходзілася ў цэнтры места, на Магілёўскай вуліцы^[a]. У 1939—1940 гадох савецкія ўлады разабралі будынак. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік гісторыі
Царква Покрыва Багародзіцы
Пароўская царква
Краіна	Беларусь
Места	Сянно
Каардынаты	54°48′39.40″ пн. ш. 29°41′58.70″ у. д.
Дата заснаваньня	1860
Царква Покрыва Багародзіцы на мапе Беларусі Царква Покрыва Багародзіцы

Гісторыя

С. Аляксандраў, 1907 г.

Драўляную царкву Ўрадавага сыноду Расейскай імпэрыі (Маскоўскай царквы) у Сяньне збудавалі ў 1860 годзе.

У 1930-я гады савецкія ўлады зачынілі царкву, а ў 1939—1940 гадох разабралі будынак.

Архітэктура

Прыклад эклектычнай царкоўнай архітэктуры Расейскай імпэрыі. Гэта быў 3-зрубны будынак у форме выцягнутага крыжа, накрыты 2-схільным дахам. Да асноўнага аб’ёму далучаліся прытвор і апсыда. Над асноўным аб’ёмам знаходзіўся 8-гранны барабан з васьмю аконнымі праёмамі, шатровым завяршэньнем і купалам-цыбулінай. Прастакутныя вокны аздабляліся ліштвамі. Над прытворам узвышаўся другі барабан у форме чацьверыка, з чатырма аконнымі праёмамі, шатровым завяршэньнем і купалам-цыбулінай.

Тэрыторыю царквы атачала драўляная агароджа^[1].

Заўвагі

1. Цяпер на гэтым месцы стаіць будынак, у якім разьмяшчаецца рэдакцыя раённай газэты «Голас Сенненшчыны»