Царква Прачыстай Багародзіцы (Казлоўшчына)

Царква Прачыстай Багародзіцы^[a] — помнік архітэктуры першай паловы XX стагодзьдзя ў Казлоўшчыне. Знаходзіцца ў цэнтры мястэчка^[b]. Дзее. Твор традыцыйнай беларускай драўлянай архітэктуры.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Прачыстай Багародзіцы.

Помнік сакральнай архітэктуры
Царква Прачыстай Багародзіцы
Краіна	Беларусь
Мястэчка	Казлоўшчына
Каардынаты	53°19′10.6″ пн. ш. 25°17′28.68″ у. д.
Канфэсія	Беларускі экзархат
Эпархія	Наваградзкая япархія[d]
Царква Прачыстай Багародзіцы на мапе Беларусі Царква Прачыстай Багародзіцы

Гісторыя

Новую драўляную царкву ў Казлоўшчыне збудавалі ў 1928 годзе на месцы старой царквы, пастаўленай у 1773 годзе.

У 2000-я гады будынак царквы абклалі цэглай.

Архітэктура

Помнік традыцыйнай беларускай драўлянай архітэктуры. Складаецца з зрубаў асноўнага аб’ёму, накрытага 2-схільным дахам, бабінца з 2-яруснай 4-граннай званіцай над ім і прастакутнай у пляне апсыды з прытворамі рызьніцаў з бакоў. Званіца завяршаецца гранёным купалам, апсыда — 8-гранным барабанам з купалам меншага памеру. Гарызантальна ашаляваныя фасады рытмічна падзяляюцца лучковымі аконнымі праёмамі з вэртыкальнымі брусамі-сьцяжкамі ў прасьценках. Уваход вылучаецца слуповым аркавым ганкам пад 2-схільным пакрыцьцём^[1].

Заўвагі

1. Назва помніка архітэктуры прыводзіцца паводле беларускай гістарычнай традыцыі. Афіцыйны тытул Маскоўскага патрыярхату: «Царква Ўсьпеньня Прасьвятой Багародзіцы» або «Сьвята-Ўсьпенская царква» (рас. Церковь Успения Пресвятой Богородицы, Свято-Успенская церковь); таксама Прачысьценская царква
2. Цяперашні афіцыйны адрас — вуліца Савецкая, 21А