Царква Сьвятога Георгія (Лоск)

Царква Сьвятога Георгія^[a] — помнік гісторыі другой паловы XIX стагодзьдзя (мураўёўка) у Лоску. Знаходзіцца ў паўночнай частцы колішняга мястэчка^[b]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Георгія (неадназначнасьць).

Помнік гісторыі
Царква Сьвятога Георгія
Царква Сьвятога Георгія
Краіна	Беларусь
Вёска	Лоск
Каардынаты	54°16′11.8″ пн. ш. 26°26′15.4″ у. д.
Канфэсія	Беларуская праваслаўная царква
Эпархія	Маладэчанская япархія[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Георгія на мапе Беларусі Царква Сьвятога Георгія
Царква Сьвятога Георгія на Вікісховішчы

Гісторыя

Царква, каля 1900 г.

Царква, да 1939 г.

Мураваную царкву Ўрадавага сыноду Расейскай імпэрыі (Маскоўскай царквы) у Лоску збудавалі ў 1856 годзе.

Архітэктура

Прыклад эклектычнай царкоўнай архітэктуры Расейскай імпэрыі. Складаецца з прастакутнага ў пляне аб’ёму малітоўнай залі пад 2-схільным дахам і 3-яруснай шатровай званіцы (васьмярык на 2 чацьверыках). Шацёр званіцы і 2-схільны дах над алтарнай часткай завяршаюцца купаламі-цыбулінамі на гранёных барабанах. Сьцены апрацоўваюцца руставанымі кутнімі лапаткамі і аркатурнымі фрызамі, выкананымі з цэглы і атынкаванымі, якія кантрастава вылучаюцца на паліхромнай бутавай муроўцы сьценаў. Аркавыя аконныя праёмы фасадаў, уваходны партал і круглыя люкарны абрамляюцца руставанымі ліштвамі.

Унутраная прастора перакрываецца роўнай стольлю.

Царкоўны пляц атачаецца бутавай агароджай з брамай^[1].

Галерэя

• Сучасныя здымкі
• 
  Агульны выгляд
• 
  Галоўны фасад
• 
  З боку апсыды

Заўвагі

1. Назва царквы прыводзіцца паводле афіцыйнага тытулу Маскоўскага патрыярхату (рас. Церковь Сьвятого Георгия, Свято-Георгиевская церковь), тым часам беларускай гістарычнай традыцыі адпавядае назва царква Сьвятога Юрыя або Юраўская царква
2. Цяперашні афіцыйны адрас — вуліца Цэнтральная, 39Б