Царква Сьвятога Мікалая (Валатава)

Царква́ Сьвято́га Мікала́я — помнік архітэктуры першай траціны XIX стагодзьдзя ў Гомлі. Знаходзіцца ў прадмесьці Валатаве пад адрасам вуліца Бранская, 1, на беразе пратокі Валатавы. Дзее. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Помнік сакральнай архітэктуры
Царква Сьвятога Мікалая
Царква Сьвятога Мікалая
Краіна	Беларусь
Места	Гомель
Каардынаты	52°27′03″ пн. ш. 31°02′07″ у. д.
Канфэсія	Беларуская праваслаўная царква
Эпархія	Гомельская япархія
Архітэктурны стыль	клясыцыстычная архітэктура[d]
Аўтар праекту	Джон Кларк[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Гісторыя

Абмеры царквы, XIX ст.

Царква, ліпень 1942 г.

Мураваную царкву Ўрадавага сыноду Расейскай імпэрыі (Маскоўскай царквы) у Валатаве збудавалі ў 1817 годзе на сродкі графа Румянцава на месцы старой драўлянай царквы. У 1899 годзе праводзіўся рамонт будынка царквы.

У 1930-я гады савецкія ўлады зачынілі царкву, у 1999—2005 гадох праводзілася рэстаўрацыя царквы.

Архітэктура

Помнік архітэктуры клясыцызму. Мае сымэтрычную падоўжна-восевую кампазыцыю. Складаецца з прастакутнага ў пляне асноўнага аб’ёму, да якога далучаюцца прастакутная апсыда і 3-ярусная вежа-званіца. Галоўны ўваход вылучаецца 2-калённым портыкам. Асноўны аб’ём накрываецца купалам, званіца мае шатровае завяршэньне^[1].

Галерэя

• Сучасныя здымкі
• 
  Агульны выгляд
• 
  Бакавы фасад
• 
  З боку апсыды
• 
  Званіца