Царква Сьвятога Мікалая (Сянно)
From Wikipedia, the free encyclopedia
Remove ads
Царква саборная Сьвятога Мікалая — помнік гісторыі другой паловы XIX стагодзьдзя (мураўёўка) у Сяньне. Знаходзілася ў цэнтры места, на Ветранай вуліцы[a]. У 1934 годзе савецкія ўлады разабралі будынак. Твор архітэктуры расейскай эклектыкі.
Помнік гісторыі | |
Царква Сьвятога Мікалая | |
![]() Мікалаеўскі сабор | |
Краіна | Беларусь |
Места | Сянно |
Каардынаты | 54°48′48.80″ пн. ш. 29°42′18.90″ у. д. |
Дата заснаваньня | 1867 |
Дата скасаваньня | 1934 |
Царква Сьвятога Мікалая на мапе Беларусі ![]() ![]() Царква Сьвятога Мікалая |
Remove ads
Гісторыя

Мураваную саборную царкву Ўрадавага сыноду Расейскай імпэрыі (Маскоўскай царквы) у Сяньне збудавалі ў 1867 годзе. У 1889 годзе з правага боку царквы паставілі мураваную капліцу ў памяць пра шчасьлівае выратаваньне сям’і маскоўскіх гаспадароў 17 кастрычніка 1888 году.
У 1930-я гады савецкія ўлады зачынілі царкву, а ў 1934 годзе разабралі будынак. У 1935 годзе з атрыманай цэглы збудавалі Дом культуры.
Remove ads
Архітэктура
Прыклад эклектычнай царкоўнай архітэктуры Расейскай імпэрыі. Гэта быў крыжова-купальны храм зь пяцьцю купаламі-цыбулінамі, найбольшы зь якіх меў складаную форму і ўзвышаўся над сяродкрыжжам. 3-ярусныя 4-гранныя званіцы з абодвух бакоў мелі па адным асобным праёме. Усе аконныя праёмы мелі выгляд выгнутых паўцыркульных арак, над якімі разьмяшчаліся круглыя аконныя праёмы-люкарны. Сьцены будынка падзяляліся пілястрамі і карнізамі.
Унутраная прастора перакрывалася крыжовымі скляпеньнямі. У царкве стаялі скульптуры Аляксандра Неўскага і Дзьмітрыя Данскога.
Царкоўную тэрыторыю атачаў драўляны плот з цаглянымі слупамі. Зь левага боку знаходзілася крама, дзе гандлявалі сьвечкамі і царкоўнымі кнігамі[1].
Remove ads
Галерэя
- Гістарычныя здымкі
- 1907 г.
- С. Аляксандраў, 1907 г.
- да 1918 г.
- да 1918 г.
Заўвагі
Крыніцы
Літаратура
Вонкавыя спасылкі
Wikiwand - on
Seamless Wikipedia browsing. On steroids.
Remove ads