Царква Сьвятога Яна Багаслова (Слуцак)

Царква надбрамная Сьвятога Яна Багаслова — помнік гісторыі другой паловы XIX стагодзьдзя (мураўёўка) у Слуцку. Знаходзілася на Трайчанах, пры ўваходзе ў Траецкі манастыр з боку Віленскай вуліцы. Твор архітэктуры расейскай эклектыкі. У 1930-я гады савецкія ўлады зьнішчылі царкву-браму.

Помнік гісторыі
Царква Сьвятога Яна Багаслова
Царква Сьвятога Яна Багаслова, 1915 г.
Краіна	Беларусь
Места	Слуцак
Каардынаты	53°01′00″ пн. ш. 27°32′39″ у. д.
Канфэсія	праваслаўе
Першае згадваньне	XVII стагодзьдзе
Царква Сьвятога Яна Багаслова на мапе Беларусі Царква Сьвятога Яна Багаслова

Гісторыя

Духоўная вучэльня і царква-брама, да 1918 г.

Мураваную царкву-браму Ўрадавага сыноду Расейскай імпэрыі (Маскоўскай царквы) у Слуцкім Траецкім манастыры збудавалі ў 1870 годзе. Гэтую царкву прыпісалі да духоўнай вучэльні, якое знаходзілася побач з манастыром.

У 1930-я гады царкву зачынілі і неўзабаве зьнішчылі савецкія ўлады. Пазьней тут збудавалі корпус Дома афіцэраў^[1].

Архітэктура

Прыклад эклектычнай царкоўнай архітэктуры Расейскай імпэрыі. Гэта быў прастакутны ў пляне аб’ём з аркавымі аконнымі праёмамі і схільным дахам, завершаны сьветлавым чацьвярыком з зрэзанымі вугламі, які накрываўся гранёным шатром зь невялікім купалам-цыбулінай.