Царква Сьвятога Яна Прадцечы (Груздава)

Царква Сьвятога Яна Прадцечы — помнік гісторыі другой паловы XIX стагодзьдзя (мураўёўка) у Груздаве. Знаходзіцца ў цэнтры колішняга мястэчка^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Яна Прадцечы (неадназначнасьць).

Помнік гісторыі
Царква Сьвятога Яна Прадцечы
Царква Сьвятога Яна Прадцечы
Краіна	Беларусь
Вёска	Груздава
Каардынаты	55°00′52.82″ пн. ш. 27°00′35.91″ у. д.
Канфэсія	Беларуская праваслаўная царква
Эпархія	Полацкая япархія
Царква Сьвятога Яна Прадцечы на мапе Беларусі Царква Сьвятога Яна Прадцечы
Царква Сьвятога Яна Прадцечы на Вікісховішчы

Гісторыя

Царква, 1920 г.

Мураваную царкву Ўрадавага сыноду Расейскай імпэрыі (Маскоўскай царквы) у Груздаве збудавалі ў 1875 годзе.

У 1996—1997 гадох праводзіўся рамонт будынка

Архітэктура

Прыклад эклектычнай царкоўнай архітэктуры Расейскай імпэрыі. Гэта прастакутны ў пляне аб’ём з 3-яруснай вежай-званіцай (васьмярык на 2 чацьверыках). Архітэктурны эфэкт засноўваецца на спалучэньні паліхромнай бутавай муроўкі сьценаў з атынкаванымі і пабеленымі элемэнтамі дэкору — кутнімі лапаткамі, прафіляванымі карнізамі, ліштвамі аркавых праёмаў. У сылюэце дамінуе пакаты шацёр званіцы з купалам-цыбулінай у завяршэньні^[1].

Галерэя

• Сучасныя здымкі
• 
  Агульны выгляд
• 
  Бакавы фасад
• 
  З боку алтарнай часткі
• 
  Брама

Заўвагі

1. Цяперашні афіцыйны адрас — вуліца Лясная