Царква Сьвятой Ганны (Ялова)

Царква́ Сьвято́й Га́нны — праваслаўная царква на могілках у вёсцы Ялова Берасьцейскае япархіі, збудаваная ў гонар Сьвятой праведнай Ганны ў 1871 годзе. Царква — помнік народнага драўлянага дойлідзтва.

Царква
Царква Сьвятой Ганны
Агульны выгляд
Краіна	Беларусь
Месцазнаходжаньне	Ялова
Каардынаты	52°36′31″ пн. ш. 24°16′0″ у. д.
Канфэсія	Беларуская праваслаўная царква
Эпархія	Берасьцейская і Кобрынская япархія
Архітэктурны стыль	народнае дойлідзтва Беларусі[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Ганны на мапе Беларусі Царква Сьвятой Ганны
Царква Сьвятой Ганны на Вікісховішчы

На працягу ўсёй сваёй гісторыі храм зьяўляўся прыпісным да Шарашоўскае парафіі.

Апісаньне

Храм пабудаваны з сасновага бруса. Кампактны прастакутны ў пляне аб’ём пераходзіць у трохкантовую апсыду, трохвальмавае пакрыцьцё якой плястычна ўзбагачае дах асноўнага аб’ёму. Канёк даху над галоўным фасадам завершаны двухяруснай чатырохкантовай вежкай на канічнай падставе. Кантавыя фасады завершаны франтончыкамі з драўлянымі скульптурамі ў іх. Вынас даху на галоўным фасадзе стварае слупковае «падценьне», пад якім разьмешчаны прастакутны ўваходны праём. Справа ад уваходу разьмяшчаецца паўзашклёная вэранда з асобным уваходам. Сьцены пазбаўлены дэкору, прарэзаны прастакутнымі аконнымі праёмамі ў простай дашчанай ліштве.

Мінуўшчына

1 чэрвеня 1961 году дзеючая прыпісная царква ў в. Ялова была зьнятая з уліку Берасьцейскім аблвыканкамам. У 2006 годзе дзяржаўныя ўлады зноў зарэгістравалі праваслаўны прыход царквы Сьвятой Ганны ў в. Ялова.

Набажэнствы ў храме праводзяцца ў дзень памяці Сьвятой праведнай Ганны, на трэці дзень Сьвятой Пасхі, Сьвятой Троіцы і Раства.