Царква Сьвятой Тройцы (Кіявец)

Царква Сьвятой Тройцы — праваслаўны храм у в. Кіявец Валожынскага раёну Менскай вобласьці.

Помнік сакральнай архітэктуры
Царква Сьвятой Тройцы
Краіна	Беларусь
Вёска	Кіявец
Каардынаты	53°59′00.87″ пн. ш. 26°53′16.84″ у. д.
Канфэсія	Беларуская праваслаўная царква
Эпархія	Маладэчанская япархія[d]
Дата заснаваньня	1919
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Гісторыя

Пабудавана ў 1919 годзе на месцы драўлянага храму, пастаўленага ў 1789 годзе з дрэва на сродкі памешчыка Пажарскага. Дзейнічае з 1990 году.

Архітэктура

Крыжова-купальны храм сымэтрычна-восевай аб’ёмна-прасторавай кампазыцыі складаецца з прамавугольных зрубаў бабінцу, малітоўнай залі, апсіды і нізкіх бакавых прыдзелаў. Над бабінцам надбудавана двух’ярусная шатровая званіца (чацьвярык на чацьверыку). Над сяродкрыжжам васьмігранны барабан з купалам. Гарызантальна ашаляваныя сьцены прарэзаны прамакутнымі аконнымі праёмамі. Галоўны ўваход вырашаны ганкам на слупах.