Царква ўзьвіжаньня Сьвятога Крыжа (Лічыцы)

Царква́ ўзьві́жаньня Сьвято́га Крыжа́ — праваслаўная царква ў Лічыцах у Ваўкавыскім раёне.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крыжаўзьвіжанская царква.

Славутасьць
Царква ўзьвіжаньня Сьвятога Крыжа
Царква ў Лічыцах
Краіна	Беларусь
Вёска	Лічыцы
Канфэсія	праваслаўе
Эпархія	Гарадзенская і Ваўкавыская япархія[d]
Тып будынка	царква
Архітэктурны стыль	рэтраспектыўна-рускі стыль
Аўтар праекту	Мікалай Ільіч Ціхвінскі[d]
Стан	дзейны
Царква ўзьвіжаньня Сьвятога Крыжа на Вікісховішчы

Гісторыя

Пабудавана ў другой палове 19 ст. з цэглы.

Архітэктура

Сьвята-Крыжаўзьвіжанская царква з боку апсіды

Помнік архітэктуры сінадальнага накірунку рэтраспектыўна-рускага стылю. Вырашана па каноне чатырохчасткавага храму падоўжна-восевай кампазыцыі: двух’ярусны (васьмярык на чацверыку) прытвор-званіца, кароткая трапезная, кубападобная малітоўная зала, пяцігранная апсіда з бакавымі рызьніцамі.

Пакаты чатырохсхільны дах цэнтральнага аб’ёму завершаны цыбулепадобнай галоўкай на барабане, шацёр званіцы — яблыкам з крыжам.

Фасады прарэзаны адзінарнымі і здвоенымі арачнымі аконнымі праёмамі ў кілепадобных ліштвах, крапаваны вуглавымі лапаткамі, апяразаны прафіляванымі карнізамі і аркатурнымі фрызамі.