Царкоўнапрыходзкая школа (Парычы)

Царкоўнапрыходзкая школа — помнік архітэктуры пачатку XX стагодзьдзя ў Парычах. Знаходзіцца ў цэнтры мястэчка, на гістарычным Рынку^[a]. Твор архітэктуры эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Царкоўнапрыходзкая школа
Царкоўнапрыходзкая школа, 1913 г.
Краіна	Беларусь
Мястэчка	Парычы
Каардынаты	52°48′19″ пн. ш. 29°25′30″ у. д.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царкоўнапрыходзкая школа на мапе Беларусі Царкоўнапрыходзкая школа

Гісторыя

Школа, 1910 г.

Мураваны будынак царкоўнапрыходзкай школы ў Парычах збудавалі ў 1901 годзе^[1] (паводле іншых зьвестак, у 1881 годзе^[2]).

Па Кастрычніцкім перавароце ў будынку працавала школа працоўнай моладзі. У міжваенны пэрыяд тут разьмяшчаўся фінансавы аддзел. Па Другой сусьветнай вайне ў будынку школы разьмяшчаўся банк, пазьней пошта.

Архітэктура

Помнік эклектычнай архітэктуры. Гэта прастакутны ў пляне, 1-павярховы будынак, накрыты вальмавым дахам. Атынкаваны сьцены праразаюцца высокімі прастакутнымі вокнамі ў ліштвах, завяршаюцца прафіляванымі карнізамі. Тарцовая сьцяна завяршаецца фігурным атыкам.

Пачатковы плян і аздоба інтэр’еру не захаваліся.

Заўвагі

1. Цяперашні афіцыйны адрас — вуліца Камсапольская, 3