Цяруха

Цяруха́ — рака ў Добрускім і Гомельскім раёнах Беларусі, левы прыток ракі Сожу (басэйн Дняпра). Даўжыня 57 км. Плошча вадазбору 525 км². Выдатак вады ў вусьці 1,8 м³/с. Сярэдні нахіл воднай паверхні 0,7‰.

Рака

Цяруха
Агульныя зьвесткі
Выток	каля в. Альховае
Вусьце	Сож
Краіны басэйну	Беларусь
Вобласьці	Чарнігаўская вобласьць[1] і Гомельская вобласьць
Даўжыня	57 км
Сярэднегадавы сьцёк	1,8 м³/с
Плошча басэйну	525 км²
Нахіл воднай паверхні	0,7 ‰

Пачынаецца за 2 км на паўднёвы ўсход ад вёскі Альховае Добрускага раёну, вусьце за 4 км на захад ад вёскі Церуха Гомельскага раёну. Цячэ ўсходняй ускраінай Гомельскага Палесься.

Даліна пераважна выразная. Абалона двухбаковая (шырыня да 2 км), часткова асушаная. Рэчышча (шырыня да 10 м) на працягу 9 км ад вытоку і ад пункту за 2 км на паўночны ўсход ад вёскі Будзішча да пункту за 1,5 км на паўднёвы захад ад вёскі Каралін Гомельскага раёну (27,1 км) каналізаванае. Берагі стромкія, вышынёй да 3 м.

Найвышэйшы ўзровень разводзьдзя ў сярэдзіне 3-й дэкады сакавіка. Замярзае ў канцы 2-й дэкады сьнежня, крыгалом у сярэдзіне сакавіка. Рака прымае сьцёк мэліярацыйных каналаў. Некалькі шлюзаў рэгулююць яе водны рэжым. Уздоўж ракі зона адпачынку Цяруха^[2].