Цімафей Юрасаў

Цімафе́й Юра́саў (нар. 25 лютага 2003) — беларускі футбаліст, брамнік жодзінскага «Тарпэда-БелАЗ» і моладзевай зборнай Беларусі.

Цімафей Юрасаў
Пэрсанальная інфармацыя
Нарадзіўся	25 лютага 2003(2003-02-25)[1] (22 гады) Менск, Беларусь[1]
Рост	191 см
Вага	81 кг[2]
Пазыцыя	брамнік
Клюбная інфармацыя
Клюб	Тарпэда-БелАЗ
Нумар	25
Клюбы
Гады	Клюб	Гульні (галы)¹
2022	Дынама Менск	0 (0)
2022	→ Іслач	4 (0)
2023—4	Тарпэда-БелАЗ	10 (0)
Зборныя
2022	Беларусь (да 21)	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 чэрвеня 2025.

Кар’ера

Клюбная

Выхаванец менскай СДЮШАР «Дынама». Гуляў за юнацкія каманды менскага «Дынама», а з 2019 году пачаў прыцягвацца да дубля. У студзені 2022 году быў аддадзены ў арэнду ў «Іслач»^[3]. 10 красавіка 2022 году дэбютаваў у Найвышэйшай лізе, выйшаўшы на замену ў першым тайме матча супраць салігорскага «Шахцёра» (1:1). У далейшым заставаўся другім брамнікам каманды, зрэдку зьяўляўся на полі. Па заканчэньні сэзону 2022 году пакінуў «Іслач»^[4]. У студзені 2023 году падпісаў кантракт з жодзінскім «Тарпэда-БелАЗ»^[5]. Першы матч у чэмпіянаце футбаліст згуляў 17 сакавіка 2024 году супраць койданаўскага «Арсэнала». У наступным матчы 31 сакавіка супраць «Слуцку» футбаліст атрымаў траўму і быў заменены ўжо на 23 хвіліне. Неўзабаве ў жодзінскім клюбе паведамілі, што ў футбаліста дыягнаставаны частковы разрыў пярэдняга крыжападобнага зьвязка, што вымагала апэратыўнае лякаваньне, а тэрмін акрыяньня мусіў скласьці блізу 6 месяцаў^[6].

Міжнародная

У кастрычніку 2019 году быў у складзе зборнай Беларусі (да 17 гадоў) на кваліфікацыйным раўндзе чэмпіянату Эўропы, аднак на поле не выходзіў. 29 сакавіка 2022 году дэбютаваў у зборнай Беларусі (да 21 году), адгуляўшы другі тайм таварыскага матча супраць зборнай Азэрбайджану (3:1).

Дасягненні

• Бронзавы прызэр чэмпіянату Беларусі: 2023
• Уладальнік Кубка Беларусі: 2023
• Уладальнік Супэркубка Беларусі: 2024