Чапунька

Ча́пунька, Шы́лве — рака ў Беларусі, правы прыток ракі Бярэзіны (басэйн Нёману). Цячэ ў Івейскім раёне Гарадзенскай вобласьці. Даўжыня 38 км. Плошча вадазбору 311 км². Выдатак вады ў вусьці 2,2 м³/с. Сярэдні нахіл воднай паверхні 0,8‰.

Рака

Чапунька лац. Čapuńka
Агульныя зьвесткі
Выток	каля в. Падлукаў
Вусьце	Бярэзіна
Краіны басэйну	Беларусь
Вобласьці	Івейскі раён
Даўжыня	38 км
Сярэднегадавы сьцёк	2,2 м³/с
Плошча басэйну	311 км²
Нахіл воднай паверхні	0,8 ‰

Прытокі: Гарача, Сіма, Вярэнка.

Пачынаецца каля мястэчка Юрацішкаў, упадае ў Бярэзіну за 2,5 км на паўднёвы ўсход ад вёскі Чапуні. Даліна ў вярхоўі слабавыразная, у сярэдняй і ніжняй плынях невыразная. Абалона забалочаная. Рэчышча на працягу 28,4 км ад вытоку каналізаванае, яго шырыня ў нізоўі да 12 м^[1].