Чачэрскі сельсавет

Чачэ́рскі сельсавет — былая адміністрацыйна-тэрытарыяльная адзінка ў складзе Чачэрскага раёну Гомельскай вобласьці. Адміністрацыйны цэнтар — вёска Отар (да 11 чэрвеня 2009 году — места Чачэрск).

Гісторыя

8 сьнежня 1926 году створаны Аторскі сельсавет у складзе Чачэрскага раёну Гомельскай акругі (да 26 ліпеня 1930 году, з 20 лютага 1938 году — Гомельскай вобласьці). 16 ліпеня 1954 году сельсавет перайменаваны ў Захарпольскі^[1]. 25 сьнежня 1962 году раён скасаваны, сельсавет далучаны да Буда-Кашалёўскага раёну^[2]. 6 студзеня 1965 году сельсавет перададзены ў склад адноўленага Чачэрскага раёну^[3].

28 чэрвеня 1973 году сельсавет перайменаваны ў Чачэрскі^[4].

11 чэрвеня 2009 году адміністрацыйны цэнтар перанесены з Чачэрску ў вёску Отар^[5]. 1 сьнежня 2009 году сельсавет перайменаваны ў Аторскі^[6].