Чэрчыл (рака)

Чэрчыл (па-ангельску: Churchill River) — зьяўляецца адной з асноўных рэк Канады. Працякае па тэрыторыі Албэрты, Саскачэвану й Манітобы. Яна бярэ свой пачатак ад азёр правінцыяў Албэрта й Саскачэвану. Рака была названа ў гонар Джона Чэрчыля, 1-га герцага Мальбара й губэрнатара кампаніі Гудзонаў заліў з 1685 па 1691 рок. На мове племені Кры назва ракі Missinipi, што азначае «вялікая вада».

Рака

Чэрчыл
Churchill River (Hudson Bay)
Рака Чэрчыл
Агульныя зьвесткі
Выток	возера Чэрчыл, возера Бівэр, рака Бівэр, возера Пітэр Понд, рака Сэнд
Вусьце	Гудзонаў заліў
Краіны басэйну	Канада
Вобласьці	Саскачэван[1] і Манітоба[2]
Даўжыня	1609 км
Сярэднегадавы сьцёк	1200 м³/с
Плошча басэйну	281300 км²
Месцазнаходжаньне
Мапа басэйну ракі Чэрчыл
Галерэя здымкаў у Вікісховішчы

Басэйн ракі знаходзіцца амаль цалкам на Канадзкім шчыце. Крыніцай для ракі служаць азёры паўночна-ўсходняй Албэрты, шэраг азёр Саскачэвану й Манітобы. Чэрчыл аддае 60% сваёй вады Нэлсану праз канал, дзеля павялічэньня аб’ёмаў выпрацоўкі электраэнэргіі на гідраэлектрастанцыях, што знаходзяцца на рацэ Нэлсан. Участак ракі даўжынёй 487 кілямэтраў намінаваны на ўключэньне ў Сьпіс ахоўных рэк Канады^[3].

Даўжыня ракі складае 1609 км. Плошча басэйну 281 300 км². Асноўныя прытокі: Бівэр і Рэйндзір.

Віды рыб

Чэрчыл зьяўляецца радзімай некалькіх відаў рыб, у тым ліку: судак жоўты, судак канадзкі, акунь жоўты, шчупак, стронга азёрная, мянтуз.