Шэньсі

Шэньсі́ (па-кітайску: 陕西, піньінь:Shǎnxī) — правінцыя ў цэнтральным Кітаі, у басэйне сярэдняга цячэньня ракі Хуанхэ. Сталіца і самы буйны горад — Сіянь. Самая вялікая правінцыя Кітаю паводле колькасьці насельніцтва, паводле перапісу 2020 году ў Шэньсі пражывала 39,529 млн чалавек^[2].

Шэньсі
Агульныя зьвесткі
Краіна	Кітай
Статус	правінцыя КНР[d]
Адміністрацыйны цэнтар	Сіянь
Кіраўнік	Zhao Gang[d]
Насельніцтва	▲39 528 999 чал. (2020)[1]
Плошча	205 800 км²
Месцазнаходжаньне
Мэдыя-зьвесткі
Часавы пас	UTC+8
Код ISO 3166-2	CN-SN
Афіцыйны сайт
Дадатковыя мультымэдыйныя матэрыялы

Геаграфія

Плошча 205 тыс. км². Паўночная частка правінцыі ў межах Лёсавага плято, на поўдні хрыбет Цыньлін, у цэнтры раўніна ракі Вэйхэ.

Клімат умераны мусонны, на поўдні субтрапічны. Сярэдняя тэмпэратура студзеня ад −8 °C на поўначы да 4 °C на поўдні, ліпеня адпаведна 23 і 27 °C. Ападкаў ад 300 мм на паўночным захадзе да 1000 мм на паўднёвым усходзе.

Галоўныя рэкі: Хуанхэ (з прытокам Вэйхэ) і Ханьшуй (прыток ракі Янцзы).

Расьліннасьць на плято стэпавая і паўпустынная, у гарах — лясы.

Эканоміка

Шэньсі — старажытны земляробчы рэгіён Кітаю. Вырошчваюць пшаніцу, рыс, проса, бавоўну, алейныя культуры. Гадуюць авечак, коз, буйную рагатую жывёлу, аслоў.

Прамысловасьць: чорная мэталюргія, машынабудаваньне (станкі, прылады, трактары, аўтамашыны), нафтаперапрацоўчая, хімічная, фармацэўтычная, папяровая, тэкстыльная, керамічная.

Вядзецца здабыча каменнага вугалю, нафты, жалезнай руды.

Асноўныя прамысловыя цэнтры — Сіянь, Баацзі, Яньань.

Суднаходства па рэках Хуанхэ і Ханьшуй.

Адміністрацыйны падзел

Правінцыя Шэньсі дзеліцца на 11 гарадзкіх акругаў і адзін горад субправінцыйнага значэньня.

Славутасьці

Тэракотавая армія

У раёне Ліньтун гораду Сіань пры маўзалеі Цынь Шыхуандзі месьціцца Тэракотавая армія — аб’ект Сусьветнай спадчыны ЮНЕСКО,