Эманюэль Рывіер

Эманюэль Рывіер (па-француску: Emmanuel Rivière; нар. 3 сакавіка 1990 году, Лё-Лямантэн, Францыя) — колішні францускі футбаліст афрыканскага паходжаньня, нападнік.

Эманюэль Рывіер
Пэрсанальная інфармацыя
Нарадзіўся	3 сакавіка 1990(1990-03-03)[1][2] (35 гадоў) Лё-Лямантэн[d]
Рост	182 см
Вага	76 кг
Пазыцыя	нападнік
Клюбы
Гады	Клюб	Гульні (галы)¹
2008—2011	Сэнт-Эт’ен	73 (17)
2011—2013	Тулюза	44 (10)
2013—2014	Манака	44 (14)
2014—2017	Ньюкасл Юнайтэд	26 (1)
2016—2017	→ Асасуна	15 (0)
2017—2019	Мэц	43 (7)
2019—2020	Казэнца[d]	31 (13)
2020—2021	Кратонэ	21 (1)
Зборныя
2019—2021	Мартыніка[d]	5 (3)

Кар’ера

Эманюэль зьяўляецца выхаванцам футбольнага клюбу «Сэнт-Эт’ен». Дэбютаваў у камандзе 17 сьнежня 2008 году ў матчы Кубка УЭФА супраць «Валенсіі». Першы гол за «Сэнт-Эт’ен» забіў 13 траўня 2009 году ў браму «Гаўру». Улетку 2011 году Рывіер перайшоў у табар «Тулюзы». Упершыню згуляў за новую каманду 17 верасьня 2011 году ў матчы супраць «Бардо».

У студзені 2013 году форвард стаў гульцом «Манака». Свой першы гол за «Манака» забіў адразу ў дэбютным матчы супраць клюбу «Арль» 4 лютага 2013 году^[3]. Напачатку сэзону 2013—2014 гадоў Эманюэль у асноўным выходзіў на замену, аднак гэты факт ня быў перашкодным да ягонай выніковасьці, гулец стала забіў мячы ў браму супернікаў. 18 жніўня 2013 году Рывіер у матчы супраць «Манпэлье» забіў свой першы ў кар’еры хэт-трык, а ягоны клюб атрымаў перамогу зь лікам 4:1^[4].

16 ліпеня 2014 году Рывіер далучыўся да ангельскага «Ньюкасл Юнайтэд», падпісаўшы доўгатэрміновы кантракт. Як мяркуецца, сума ўгоды склала каля 6 млн фунтаў^[5].