Эстонская энэргія

«Эстонская энэргія» — дзяржаўнае прадпрыемства Эстоніі, заснаванае ў траўні 1939 году прэзыдэнтам Канстанцінам Пятсам у якасьці «Электрычнага цэнтру»^[5].

«Эстонская энэргія»
эст. Eesti Energia
Тып	акцыйнае таварыства
Заснаваная	8 траўня 1939 (86 гадоў таму)
Заснавальнікі	Канстанцін Пятс
Уласьнікі	урад Эстоніі
Краіна	Эстонія
Разьмяшчэньне	Талін
Адрас	Лельская вул., д. 22[1]
Ключавыя фігуры	Андрус Дурэйка (кіраўнік), Ане Мерэ (старшыня)[2]
Галіна	энэргетыка
Прадукцыя	цеплавая энэргія, электраэнэргія
Абарачэньне	▲1,31 млрд эўра (2021 год)
Апэрацыйны прыбытак	▲318 млн эўра (2021 год)
Чысты прыбытак	▲111 млн эўра (2021 год)[3]
Лік супрацоўнікаў	4357 (2022 год)[4]
Даччыныя кампаніі	Saarte Elektrivõrgud[d]
energia.ee
«Эстонская энэргія» у Вікісховішчы

На 2023 год мела 5 даччыных прадпрыемстваў: элекрасетку «Энэфіт Злучаны», вытворцу аднаўляльнай энэргіі «Энэфіт Зялёны», здабывальніка і перапрацоўніка сланцаў «Энэфіт Сілкаваньне», рамонтнае прадпрыемства «Энэфіт Рашэньні» і паслугоўвае прадпрыемства «Электраразьмеркаваньне»^[2]. Вырабляла паліва з лупняка, на якім Аўверэская электрастанцыя пакрывала 25% патрэбаў Эстоніі ў электраэнэргіі^[6]. Лупняк здабывалі ў рудніку «Эстонія» і на Нарвенскім кар’еры^[7]. За 2021 год прадалі 9,4 тэрават-гадзіна электраэнэргіі і 420 000 тонаў вапняковага паліва^[3]. На аднаўляльныя крыніцы прыпадала 40% вытворчасьці электраэнэргіі^[8]. У Эстоніі, Латвіі, Летуве і Польшчы налічвалася 38 сонечных электрастанцыяў магутнасьцю 30,3 МВат і 22 ветрапаркі на 398 МВт, пелетны завод на 160 000 тонаў за год і гідраэлектрастанцыя на 365 кВт, а таксама кагенэрацыйныя ўстаноўкі на 28 МВт і ўзнаўляльная ўстаноўка на востраве Рухну на 455 кВт^[9].