Юстына Кавальчык

Юсты́на Мары́я Кава́льчык (па-польску: Justyna Maria Kowalczyk-Tekieli; нар. 19 студзеня 1983 году ў Ліманаве) — польская спартоўка (лыжная гоначніца).

Юстына Кавальчык
Пэрсанальная інфармацыя
Поўнае імя	па-польску: Justyna Maria Kowalczyk
Нарадзілася	19 студзеня 1983(1983-01-19)[1] (42 гады) Ліманова, Навасонцкае ваяводзтва[d], Польшча
Грамадзянства	Польшча
Прафэсійная інфармацыя
Спэцыялізацыя	лыжная гоначніца, лыжны трэнэр, спартовая чыноўніца
Узнагароды і мэдалі Спартовец году Польшчы[d] (2013) Спартовец году Польшчы[d] (2012) Спартовец году Польшчы[d] (2011) Спартовец году Польшчы[d] (2010) Спартовец году Польшчы[d] (2009) Чалавек году тыднёвіка „Wprost“[d] (2010) мэдаль сьвятога брата Альбэрта[d] Віктары[d] Вялікая ганаровая спартовая ўзнагарода[d]

Алімпійскія ўзнагароды
Лыжныя гонкі (жанчыны)
Золата	2010	Лыжныя гонкі (30 кілямэтраў)
Золата	2014	Лыжныя гонкі (10 км клясыкай)
Срэбра	2010	Лыжныя гонкі (спрынт)
Бронза	2010	Лыжныя гонкі (15 кілямэтраў)
Бронза	2006	Лыжныя гонкі (30 кілямэтраў)

Зьяўляецца ўладальніцай бронзавага мэдалю Алімпійскіх гульняў у Турыне (2006) у гонцы на 30 кілямэтраў, а таксама ўладальніцай залатога (гонка на 30 кілямэтраў), срэбранага (спрынт) ды бронзавага (гонка на 15 кілямэтраў) мэдалю Алімпійскіх гульняў у Ванкувэры (2010). Чэмпіёнка Алімпійскіх гульняў у Сочы ў гонцы на 10 км клясычным ходам.

Двайная залатая мэдалістка чэмпіянату сьвету ў лыжных гонках ў чэскім Лібэрцы (2009) — выйграла у злучанай гонцы (2 разы па 7,5 кілямэтру) і ў гонцы на 30 кілямэтраў тэхнікай адвольнай, выйграла там таксама бронзавы мэдаль у спрынтэрскай гонцы на 10 кілямэтраў^[2][3]. Заняла 3 месца ў Кубку сьвету 2007/2008 і 1 месца ў 2008/2009. Два разы была залатой мэдалісткай моладзевага чэмпіянату сьвету (да 23 гадоў).

23 сакавіка 2009 году адзначаная Кавалерскім Крыжам Ордэну Адраджэньня Польшчы^[4], 27 сакавіка 2010 году — Крыжам Камандорскім з Зоркай Ордэну Адраджэньня Польшчы^[5].