Яўген Хачарыдзі

Яўге́н Хачары́дзі (па-ўкраінску: Євген Хачеріді; нар. 28 ліпеня 1987 году, Мэлітопаль, Украінская ССР) — колішні украінскі футбаліст, абаронца «Чарнаморца» і нацыянальнай зборнай Украіны. Выступаў на пазыцыі цэнтральнага абаронцы.

Яўген Хачарыдзі
Пэрсанальная інфармацыя
Нарадзіўся	28 ліпеня 1987(1987-07-28)[1][2] (38 гадоў) Мелітопаль, Запароская вобласьць, УССР, СССР
Рост	198 см
Вага	85 кг
Пазыцыя	абаронца, цэнтральны абаронца
Клюбная інфармацыя
Клюб	Чарнаморац Адэса
Нумар	34
Клюбы
Гады	Клюб	Гульні (галы)¹
2005—2008	Алком Мэлітопаль[d]	25 (1)
2006—2008	→ Валынь Луцак	24 (2)
2008—2018	Дынама Кіеў	150 (6)
2018—2019	ПАОК	3 (0)
2020	Дынама Берасьце	16 (0)
2025—4	Чарнаморац Адэса	1 (0)
Зборныя
2009—2018	Украіна	51 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 29 жніўня 2025.

Кар’ера

Клюбная

Пачынаў гуляць у футбол у Мелітопалі за клюб «Алком». У сэзоне 2006—2007 гадоў на правах арэнды выступаў за «Валынь» у першай лізе. Луцкі клюб зацікавіўся пэрспэктыўным гульцом і летам 2007 году яны выкупілі кантракт гульца.

У студзені 2008 году Яўген перайшоў у кіеўскае «Дынама», дзе дэбютаваў 1 сакавіка 2008 году ў матчы сярод дублёраў супраць «Дняпра». За асноўную каманду дэбютаваў 13 верасьня 2008 году ў рамках Кубка Ўкраіны ў матчы супраць роднага «Алкома», выйшаўшы на 56 хвіліне замест Фларына Чэрната^[3].

Дэбют у Прэм’ер-лізе чэмпіянату Ўкраіны адбыўся 18 ліпеня 2009 году ў матчы супраць адэскага «Чарнаморцу». Матч скончыўся перамогай кіяўлянаў зь лікам 5:0, а Яўген адыграў усе 90 хвілін. У маі 2018 года перайшоў у ПАОК Тэсалёнікі з заробкам 1,5 млн даляраў за год^[4]. Каманда ня вельмі часта выкарыстоўвала Яўгена, агулам у складзе каманды ён правёў 11 гульняў, у тым ліку 3 гульні Супэрлігі Грэцыі, і у ліпені 2019 года рашэньнем Фэдэрацыі футбола Грэцыі пакінуў клюб у якасьці вольнага агента^[5]. 23 кастрычніка 2019 году заключыў кантракт з футбольным клюбам Дынама Берасьце^[6].

Міжнародная

10 кастрычніка 2009 году дэбютаваў у складзе зборнай, адгуляўшы ўвесь матч супраць каманды Ангельшчыны (1:0) і атрымаўшы жоўтую картку на 68 хвіліне ад славенскага рэферы Даміра Скаміны^[7].

Дасягненьні

«Дынама» Кіеў:

• Чэмпіён Украіны: 2009, 2015, 2016
• Уладальнік Кубка Ўкраіны: 2014, 2015
• Уладальнік Супэркубка Ўкраіны: 2009, 2011, 2016

ПАОК:

• Чэмпіён Грэцыі: 2019
• Уладальник Кубка Грэцыі: 2019

«Дынама» Берасьце:

• Уладальнік Супэркубка Беларусі: 2020

Асабістае жыцьцё

З боку бацькі мае грэцкія карані, маці ўкраінка^[8]. Яўген называе сябе часьцей за ўсё ўкраінцам^[9], чым грэкам. Аднак у інтэрнэце да гэтага часу папулярна памылковае меркаваньне аб грузінскіх ці нават армянскіх^[10] каранях Хачарыдзі.