34mag

34mag — беларускі маладзёжны інтэрнэт-часопіс, які выдаецца на дзьвюх мовах: беларускай і расейскай, — некаторыя матэрыялы таксама перакладаюцца на ангельскую. Большасьць публікацыяў прысьвечана мастацтву, культуры й падарожжам. Рэдакцыя часопісу знаходзіцца ў Менску,^[1] галоўны рэдактар — Аляксандар Карняйчук.^[2] Таксама пад эгідай парталу дзейнічае лэйбл лічбавай дыстрыбуцыі «Пяршак».

34mag
Тып	СМІ
Даступныя мовы	расейская, беларуская, ангельская
Аўтар	Ірына Віданава
Пачатак працы	2009
Камэрцыйны?	не
Актуальны стан	дзейны
Рэйтынг Alexa	2574 (2018; у Беларусі)
34mag.net

Гісторыя

Часопіс «34mag» быў заснаваны беларускай журналісткай Ірынай Віданавай пасьля закрыцьця беларускімі ўладамі яе папярэдняга праекту «Студэнцкая думка» ў 2005 годзе.^[3] Першы нумар новага выданьня выйшаў у 2006 годзе на кампакт-дысках, а ў 2009 у праекту з’явіўся й сайт.

Дасягненьні

У 2012 годзе часопіс атрымаў прэмію «Free Media Pioneer Award» Міжнароднага інстытуту прэсы.^[4]

На фэстывалю рэклямы й камунікацыі “AD.NAK-2014” гід для падарожнікаў “па-беларуску: Рома едзе” Ромы Свечнікава й 34mag быў адзначаны першым прызам і гран-пры ў намінацыі інтэграваных медыяпраектаў^[5], “Limited Edition” часопісу заняў 3 месца ў катэгорыі грамадзказначных праектаў, а за каталёг “Books from Belarus” і кнігу “Рома едзе” 34mag узяў яшчэ 2 другіх месца ў катэгорыі шматстаронкавых выданьняў.^[6]