7-ы саксонскі корпус

7-ы саксо́нскі ко́рпус — вайсковае фармаваньне Саксоніі ў складзе войска Напалеона ў 1812 року.

7-ы саксонскі корпус
Краіна	Саксонія
Уваходзіць у	Вялікую армію
Тып	Сухапутныя войскі
Колькасьць	15-20 тыс. чалавек
Дысьлякацыя	Француская імпэрыя
Войны	Расейская кампанія Напалеона
Вядомыя камандзіры	Жан-Люі-Эбэнэзэр Рэнье

Ваенныя дзеяньні

Быў прызначаны дзеля ўтрыманьня на Літве і Валыні наступальных дзеяньняў расейскай 3-й Заходняй абсэрвацыйнай арміі Аляксандра Тармасава. Аднак пасьля першых паразаў быў падпарадкаваны корпусу аўстрыйскага князя Шварцэнбэрга.

Увосень 1812, пасьля падыходу Дунайскай арміі адмірала Чычагова сілы Шварцэнбэрга і Рэнье адышлі на тэрыторыю Вялікага герцагства Варшаўскага. 30 студзеня 1813 року князь Шварцэнбэрг бяз бою здаў Варшаву і сышоў у Галіцыю, а Рэнье — да Калішу, дзе 13 лютага быў нагнаны корпусам генэрала Вінцынгеродэ і, атрымаўшы значныя страты, адышоў да Дрэздэну, а пасьля ў Парыж.

Склад

Жан-Люі-Эбэнэзэр Рэнье

Камандуючы генэрал дывізыі Жан-Люі-Эбэнэзэр Рэнье.

Агулам: 15 724 чалавекі. Паводле іншых крыніцаў колькасьць складала 19 334 чалавекі, аднак рэальна ў баёх удзельнічалі меней^[1].

Каля 50 гармат ва ўсіх карпусах разам.

21-я дывізія

Генэрал-лейтэнант Ле Кок(de).

• Брыгада генэрал-маёра фон Штындэля
  • грэнадэрскі батальён Лібэнаў
  • пяхотны полк прынца Фрыдэрыка (2 батальёны)
  • пяхотны полк прынца Клемэнса (2 батальёны)

• Брыгада генэрал-маёра фон Ностыца
  • 1-ы полк лёгкай пяхоты (2 батальёны)
  • пяхотны полк прынца Антона (2 батальёны)

• Артылерыя маёра фон Гросмана
  • батарэя палявой артылерыі «Руўруа» (6 гарматаў)

22-я дывізія

Карл Вільгельм Фэрдынанд фон Функ

Генэрал-лейтэнант фон Функ(de) (першапачаткова генэрал-маёр Гутшміт).

• Брыгада генэрал-маёра фон Кленгеля
  • грэнадэрскі батальён фон Браўзэ(de)
  • каралеўскі пяхотны полк (2 батальёны)
  • пяхотны полк Нісмойшэля (2 батальёны)

• Брыгада генэрал-маёра фон Сара
  • грэнадэрскі батальён фон Шпігеля (першапачаткова Эйхэльбэрга)
  • грэнадэрскі батальён Ангера
  • 2-і полк лёгкай пяхоты (2 батальёны)

• Артылерыя
  • 2-я конная батарэя «Гільлер» (6 гармат)
  • 3-я палявая батарэя «Баніё» (6 гармат)

Кавалерыйскі корпус

Генэрал-лейтэнант фон Тыльман(de).

• 23-я брыгада лёгкай кавалерыі генэрал-маёра фон Габленца
  • саксонскі гусарскі полк (8 швадронаў)
  • легкаконны(fr) полк Поленца (4 швадроны)
  • полк уланаў прынца Клемэнса (4 швадроны)
  • 1-я конная батарэя «фон Рот» (6 гармат)

Артылерыйскі корпус

Маёр Аўэнмюльлер.

• 1-я пешая батарэя «фон Браўзэ» (12 гармат)
• 2-я пешая батарэя «Зонтаг» (12 гармат)

Глядзіце таксама

• Аўстрыйскі дапаможны корпус
• Вялікая армія
• Вайна 1812 году на Пружаншчыне