Chevrolet Master

Chevrolet Master і Chevrolet Master Deluxe — легкавыя аўтамабілі амэрыканскай кампаніі Chevrolet, якія выпускаліся ў 1933—1942 роках.

Chevrolet Master; Chevrolet Master Deluxe
Агульныя зьвесткі
Вытворца	Chevrolet
Іншыя назвы	Series CA (1933) Series DA (1934) Series EA і ED (1935) Series FA і FD (1936) Series GA і BB (1937) Series HA і HB (1938) Series JA (1939)
Гады вытворчасьці	1933—1942
Месца вытворчасьці	ЗША
Зьнешні выгляд
Кузаў	2-дзьвернае купэ з адкідным сядзеньнем[1] 2-дзьверны кабрыялет з адкідным сядзеньнем[1] 4-дзьверны сэдан 2-дзьверны пікап
Кампанаваньне	заднепрыводны аўтамабіль з рухавіком сьпераду
Плятформа	плятформа „А“
Колькасьць дзьвярэй
Сілавы блёк
Рухавік	верхнеклапанны 6-цыліндравы рухавік аб’ёмам 3,4 л
Прывад
Габарыты
Колавая база	2870 мм
Максымальная хуткасьць
Гісторыя
Папярэднік	Chevrolet Eagle
Наступнік	Chevrolet Deluxe
Падобныя	Chevrolet Standard Six Pontiac Series 603 Chevrolet Suburban
Chevrolet Master; Chevrolet Master Deluxe у Вікісховішчы

Апісаньне

Chevrolet Master выйшаў на замену папярэднай мадэлі Master Eagle і стаў найдаражэйшай на той час маркай Chevrolet^[1]. З гэтага пакаленьня ўсе аўтамабілі Chevrolet займелі ўласны карпаратыўны стыль, лёгка пазнавальны рашоткай сьпераду з схаваным радыятарам. З 1940 пачала выпускацца яшчэ даражэйшая вэрсія Master Deluxe пад назвай Special Deluxe.

Chevrolet Master стаў апошняй мадэльлю, якая ў машынакамплектах пастаўлялася ў Японію для зборкі на заводзе ў Осацы. Пасьля экспрапрыяцыі японскімі ўладамі завод быў перададзены на патрэбы Toyota^[2][3].

Мадэлі

Назву «Master» мелі некалькі розных вэрсіяў аўтамабіляў.

Замест маркі Master Eagle 1933 року тады ж зьявілася першая вэрсія — Series CA Master. У наступным року выйшла Series DA Master з павялічанай да 2845 мм колавай базай (на 127 мм болей у параўнаньні з стандартнай).

У вэрсіі 1935 року (Series EA і ED) адбылася зьмена дызайну; драўляныя дэталі былі замененыя сталёвымі^[4].

У 1936 року ўсе Chevrolet займелі новы выгляд у стылі ар-дэко, што закранула і Master Series FA ды FD, якія сталі падобнымі з выгляду да Pontiac Deluxe.

У 1937 року Master замяніў Standard Six зь ніжэйшага цэнавога сэгмэнту, а Master Deluxe стаў даражэйшым прадстаўніком клясу (Series GA і GB).

Продажы Master (Series HB) і Master Deluxe (HA) у 1938 року дасягнулі адпаведна 162 430 і 302 728 адзінак.

Master Deluxe у 1939 року меў сэрыйную назву JA, а базавая мадэль была перайменаваная ў Master 85 (JB). Зьявілася варыяцыя з кузавам унівэрсал^[5].

У 1940 року засталіся варыянты Master 85 (KB) і даражэйшы Master Deluxe (KA), а таксама зьявіўся яшчэ лепей укаплектаваны варыянт «Special Deluxe».

• 
  Сэдан Chevrolet CA 1933 року
• 
  Сэдан Master 1934 року
• 
  Сэдан Master 1935 року
• 
  Сэдан Chevrolet 1936 року
• 
  Master Deluxe 1937 року
• 
  Сэдан Chevrolet Master Deluxe 1938 року
• 
  Сэдан Chevrolet Master Deluxe Town 1939 року
• 
  Купэ Chevrolet Master Deluxe 1941 року

Грузавікі і аўтобусы

Chevrolet Master стаў апошнім сэрыйным грузавіком і аўтобусам, які меў аднолькавы выгляд зь легкавіком. Далей Chevrolet перайшлі на выпуск асобнай сэрыі грузавікоў AK Series.

• 
  Chevrolet CG „Клабук“ 1937 року з салёнам староньняга вытворцы.
• 
  GMC Truck 1940 року.
• 
  Грузавік Chevrolet Commercial 1930-х з кабінай староньняга вытворцы.
• 
  Chevrolet Carryall Suburban
• 
  Аўтобус Chevrolet 1939 року