Chevrolet Special Deluxe

Chevrolet Special Deluxe — легкавы аўтамабіль амэрыканскай кампаніі Chevrolet, які выпускаўся ў 1940—1942 роках.

Special Deluxe
Агульныя зьвесткі
Вытворца	Chevrolet
Гады вытворчасьці	1940—1942
Зьнешні выгляд
Кляса	сярэдняя кляса
Кузаў	сэдан унівэрсал купэ кабрыялет
Максымальная хуткасьць
Гісторыя
Наступнік	Chevrolet Fleetmaster
Special Deluxe у Вікісховішчы

Мадэлі

Special Deluxe KA (1940)

Special Deluxe Serie KA
Агульныя зьвесткі
Вытворца	General Motors
Гады вытворчасьці	1940
Зьнешні выгляд
Кузаў	сэдан унівэрсал купэ кабрыялет
Колькасьць дзьвярэй
Сілавы блёк
Рухавік	матор Ота: 3,55 л (62,5 кВт)
Прывад
Габарыты
Колавая база	2870
Маса	1327—1431
Максымальная хуткасьць
Гісторыя
Наступнік	Chevrolet Bel Air
Special Deluxe Serie KA у Вікісховішчы

У 1940 року Chevrolet прадставіў даражэйшую вэрсію Master Deluxe — Special Deluxe KA, якая вылучалася вонкавымі дэталямі аздабленьня зь нержавеючай сталі. Рашотка радыятара, як і ў мадэлях ніжэйшых клясаў, складалася з цэнтральнай выгнутай наперад сэкцыі і гарызантальных храміраваных кратаў, па абодвух баках якой разьмяшчаліся сэкцыі меншай вышыні. Фары зьліваліся зь пярэднімі крыламі, зь якіх таксама выглядалі габарытныя вагні.

Для Special Deluxe было даступна шэсьць розных кузаваў: два віды купэ, 2-хдзьверны кабрыялет, 2-х або 4-хдзьверныя сэданы і 5-дзьверны ўнівэрсал на 8 месцаў.

Special Deluxe стала самай папулярнай мадэльлю Chevrolet ў гэтым годзе з колькасьцю замоваў 431 199 штук.

Special Deluxe AH і BH (1941—1942)

Special Deluxe Series AH/BH
Агульныя зьвесткі
Вытворца	General Motors
Гады вытворчасьці	1941—1942
Зьнешні выгляд
Кузаў	сэдан унівэрсал купэ кабрыялет
Колькасьць дзьвярэй
Сілавы блёк
Рухавік	матор Ота: 3,55 л (66 кВт)
Прывад
Габарыты
Колавая база	2946
Маса	1377—1552
Максымальная хуткасьць
Гісторыя
Наступнік	Chevrolet Bel Air
Special Deluxe Series AH/BH у Вікісховішчы

У 1941 галоўнай мадэльлю клясы заставалася Special Deluxe AH. Колавая база пашырылася да 2946 мм, а фары былі цалкам убудаваныя ў пярэднія крылы. Рашотка радыятара займала цяпер амаль усю шырыню аўтамабіля. Варыянты кузаваў былі такія ж, як і ў папярэдняга варыянту.

Вэрсія 1942 року (BH) адрозьнівалася ад леташняй толькі крыху цяжэйшымі храміраванай кратамі радыятара.

Fleetline (1941—1942)

Аналяг Chevrolet Special Deluxe Fleetline Aerosedan (на здымку мадэль 1947 року)

Увесну 1941 року быў прадстаўлены 4-дзьверны варыянт сэдану Fleetline. У адрозьненьне ад звычайнага Special Deluxe, машына ня мела бакавых паветразаборнікаў на капоце, а за пярэднімі і заднімі аркамі колаў знаходзіліся тры гарызантальныя дэкаратыўныя плянкі.

У 1942 року гэтаму варыянту было дадзенае дадатковае пазначэньне Sport Master, а новы 2-дзьверны сэдан хэтчбэк атрымаў назву Aerosedan.

Fleetmaster (1942)

„Звычайныя“ мадэлі сэрыі Special Deluxe 1942 року атрымалі дадатковае пазначэньне Fleetmaster.

За гэтыя два гады было сабрана 775 502 адзінак Special Deluxe, 110 547 зь якіх былі мадэлямі Fleetline. Пасьля Другой сусьветнай вайны на замену Special Deluxe прыйшоў Fleetmaster.

Літаратура

• Beverly Rae Kimes, Henry Austin Clark, Jr.: Standard Catalog of American Cars, 1805—1942. Krause Publications, Iola WI 1985, ISBN 0-87341-045-9.