Dreamlin

Dreamlin — беларускі электронны гурт зь Менску, заснаваны ў 2000 годзе. Музыку гурту нельга акрэсьліць адным ці двума стылямі. Іх музыка праходзіць адценьні ад кіслотнага джазу, чылаўт і даўнтэмпа. Назва гурту паходзіць ад спалучэньня анг. dream («сон», «мара») і анг. greamlin (пэрсанажы фільму «Грэмліны»)^[1]. Першыя два гады гурт існаваў толькі віртуальна^[2].Улетку 2001 году гурт заняў першае месца сярод гуртоў на сайце Ampcast.com^[3]. Песьня «Beat Mountain», якая была запісная гуртом, выкарыстоўвалася ў фільме SWAT^[4][5]. У 2003 годзе гурт выдаў альбом «Система электронного безумия» (на вокладцы стылізавана «СИСТЕМА ЭLЕКТRONNOGO BEZYMИЯ») на ўласным лэйбле Ягора Куноўскага «Gizmo Lab Records»^[6]. Большасьць канцэртаў праходзілі пры ўдзеле мультыінструмэнталіста Андрэя Карповіча. У 2004 годзе гурт выдаў альбом «The Colour of the City». У 2006 годзе гурт адыграў на фэсьце на Баравой.

Удзельнікі

• Дзяніс Карбакоў — аўтар музыкі, гітара, бас-гітара, праграмаваньне, клявішныя
• Ягор Куноўскі — тэксты, мэнэджмэнт
• Андрэй Карповіч — пэркусія, гітара, барабаны
• Кірыл Скарынін — гітара і пэркусія