HDMI

High-Definition Multimedia Interface (HDMI) — інтэрфэйс для мультымэдыя высокага разрозьненьня, які дазваляе перадаваць лічбавыя відэазьвесткі высокага разрозьненьня й шматканальныя лічбавыя аудыёсыгналы з абаронай ад капіяваньня.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама HD.

HDMI-раздым

Раздым HDMI забясьпечвае лічбавае DVI-злучэньне некалькіх прыладаў з дапамогай адпаведных кабэляў. Асноўнае адрозьненьне паміж HDMI і DVI складаецца ў тым, што раздым HDMI меншы паводле памераў, а таксама падтрымлівае перадачу шматканальных лічбавых аудыёсыгналаў. HDMI зьяўляецца заменай аналягавых стандартаў падключэньня, як то SCART або RCA.

Заснавальнікамі HDMI зьяўляюцца кампаніі Hitachi, Matsushita Electric Industrial (зараз Panasonic) (Panasonic/National/Technics/Quasar), Philips, Silicon Image, Sony, Thomson (RCA)^[1].