Microsoft Office

Microsoft Office (бел. Майкрасофт Офіс) — платны офісны пакет праграмаў Майкрасофт, які ўпершыню выйшаў 1 жніўня 1989 году пад апэрацыйную сыстэму Mac OS і затым 19 лістапада 1990 году пад уласную АС Windows. Улучае рэдактары тэксту, табліцаў, прэзэнтацыяў і нататак Word, Excel, PowerPoint і OneNote адпаведна. За дадатковую плату прапануе рэдактары базы зьвестак і формаў уводу зьвестак Access і InfoPath адпаведна ды паштовую і вярстальную праграмы Outlook і Publisher адпаведна, як і праграму імгненных паведамленьняў Lync. Мае настольнае, мабільнае і сеціўнае выданьні. Беларускамоўны інтэрфэйс спачатку займеў у складзе мабільнай АС Windows Phone 8, выдадзенай 12 кастрычніка 2012 году. 23 ліпеня 2013 году ў вольным доступе зьявіўся афіцыйны беларускі моўны пакет для Microsoft Office 2013^[1].

Microsoft Office
Распрацоўка	Microsoft
Апошняя вэрсія	15.0.4649.1001 (10 верасьня 2014 г.; 10 гадоў таму)
Напісаны на	C++
АС	Mac OS, Microsoft Windows
Тып	офісны пакет
Ліцэнзія	карыстальніцкая
Афіцыйная старонка	office.microsoft.com