Master of Orion: Conquer the Stars

«Master of Orion: Conquer the Stars» (па-беларуску: Гаспадар Арыёну: Заваёва зорак) — перазапуск пакрокавай навукова-фантастычнай стратэгічнай гульні «Master of Orion». Гульня распрацаваная аргентынскай кампаніяй «NGD Studios» і выдадзеная беларускай Wargaming^[1]. Гульня была адкрытая на раньнім доступе(en) Steam 26 лютага 2016, а выхад поўнай вэрсіі на плятформе Microsoft Windows адбыўся 25 жніўня таго ж року.

Master of Orion: Conquer the Stars
Дата выпуску	25 жніўня 2016 (Microsoft Windows)
Жанр	пакрокавая глябальная стратэгія
Сэрыя	Master of Orion[d]
Стваральнікі
Распрацоўнік	NGD Studios
Выдавец	Wargaming
Мова інтэрфэйсу	ангельская
Кампазытар	Дэвід Говэт
Тэхнічныя дэталі
Рухавік	Unity
Плятформы	Microsoft Windows, OS X, Linux
Рэжымы	адзінаасобная, шматасобная
Носьбіт	лічбавы распаўсюд[d] і лічбавая загрузка[d]
Афіцыйны сайт

У «Master of Orion: Conquer the Stars» гулец вядзе адну зь 10 расаў да галяктычнага панаваньня шляхам дасьледаваньня і калянізацыі зорных сыстэмаў, адначасна разьвіваючы дыпляматыю, заваёвы і тэхналягічныя ўдасканаленьні^[2].

Гульнявы працэс

«Master of Orion: Conquer the Stars» — пакрокавая стратэгічная гульня, у якой гулец можа абраць кіраваньне адной зь 10 расаў, якая будзе суіснаваць зь іншымі пэрсанажамі незьлічоных галяктыкаў, кантраляванымі штучным інтэлектам^[3].

Гулец займаецца ўласнай тэрыторыяй, калёніміі, тэхналягічнымі ўдасканаленьнямі, дызайнам караблёў, міжвідавай дыпляматыяй і бітвамі^[4]. Гульня пачынаецца з валоданьня адным калянізаваным сьветам пэўнай сонечнай сыстэмы. Ужываючы такія рэсурсы калёніі, як грашовы прыбытак, дасьледаваньні, ежа і вытворчасьць, гулец можа пашыраць уласныя валоданьні, павялічваць флёт, дасьледаваць новыя сыстэмы, назапашваць рэсурсы, гандляваць і ваяваць зь іншымі расамі. Перамога дасягаецца пры вынішчэньні ўсіх ворагаў, атрыманьнем права на ўсталяваньне міру ці дасягненьнем найбольшага выніку напрыканцы апошняга ходу^[5].

Мінуўшчына

2 жніўня 2013 стала вядома, што «Wargaming» набыла ў «Atari» правы на франшызу «Master of Orion»^[6]. 9 чэрвеня кампанія абвясьціла пра намер выдаць новую гульню франшызы^[7], ствараную камандай «NGD Studios».

26 лютага гульня выйшла ў раньні доступ на плятформе Steam^[8]. Выхад на плятформе Microsoft Windows адбыўся 25 жніўня 2016^[9].