Rosenrot (альбом)

Rosenrot (зь ням. — «ружачка») — пяты студыйны альбом гурта Rammstein. Быў выпушчаны 28 кастрычніка 2005 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Rosenrot (неадназначнасьць).

Rosenrot
Студыйны альбом Rammstein
Выдадзены	28 кастрычніка 2005
Месца запісу	Нямеччына  Гішпанія, Teldex Studio
Жанр	Neue Deutsche Härte
Працягласьць	48:08
Прадусар	Якаб Хэльнар · Rammstein
Храналёгія Rammstein
Reise, Reise (2004)	Rosenrot (2005)	Liebe ist für alle da (2009)

Мовы песьняў — нямецкая, ангельская й гішпанская. Музыка й словы да песьняў — Тыль Ліндэман, Рыхард Круспэ, Паўль Ляндэрс, Олівэр Рыдэль, Крыстоф Шнайдэр, Крысьціян Лёрэнц.

Гісторыя

Запіс альбома праходзіў адначасова з запісам Reise, Reise. Менавіта таму першапачаткова альбом меў назву Reise, Reise Vol. 2 (бел. Reise, Reise частка 2). За час запісу Reise, Reise гурт запісаў 6 песьняў, якія пазьней увайдуць у альбом:

• «Rosenrot»
• «Wo bist du?»
• «Zerstören»
• «Hilf Mir»
• «Feuer und Wasser»
• «Ein Lied»

Таксама былі запісаны некалькі дэма-вэрсіяў песень, якія пазьней былі перазапісаны і выпушчаны на альбоме:

• «Student» (дэма-вэрсія песьні Benzin)
• «Spring Jungle & Spring water» (дэма-вэрсіі песьні Spring)
• «Ich bin» (дэма-вэрсія песьні ¡Te Quiero Puta!)

Песьня Mann gegen Mann была запісана падчас запісу альбома Mutter, аднак не была выпушчана. Адзіная новая песьня на альбоме — «Stirb Nicht Vor Mir» («Donʼt Die Before I Do»), запісаная сумесна з Шарлін Сьпітэры.

Прасоўваньне

Rammstein не займаліся актыўнай рэклямай альбома.

Першы самотнік з альбома, «Benzin», прэмʼера якога адбылася ў Berliner Wuhlheide, быў выпушчаны на CD. На афіцыйным сайце гурта былі прадстаўлены сэмплы шасьці кампазыцыяў з альбома, а таксама лічыльнік даты выпуску альбома.

Самотнікі

• «Benzin» (7 кастрычніка 2005)
• «Rosenrot (самотнік)Rosenrot» (16 сьнежня 2005)
• «Mann gegen Mann» (3 сакавіка 2006)
• «Te quiero puta!» (2005)^[1]

Сьпіс кампазыцыяў

№	Назва
1.	«Benzin» (Бэнзін)	03:46
2.	«Mann gegen Mann» (Мужчына супраць мужчыны)	03:51
3.	«Rosenrot» (Ружачка)	03:55
4.	«Spring» (Прыгай)	05:25
5.	«Wo bist du?» (Дзе ты?)	03:56
6.	«Stirb nicht vor mir / Dont’t die before I do» (Не памірай перада мной)	04:06
7.	«Zerstören» (Руйнаваць)	05:29
8.	«Hilf mir» (Дапамажы мне)	04:44
9.	«Te quiero puta!» (Я люблю цябе, шлюха!)	03:56
10.	«Feuer und Wasser» (Агонь і вада)	05:18
11.	«Ein Lied» (Песьня)	03:44
48:08[2]

Цікавыя факты

• Удзельнікі гурта часта казалі пра тое, што гэты альбом не варта разглядаць як самастойны, а толькі як працяг папярэдняга — Reise, Reise:
  • Вокладка альбома, а менавіта фатаграфія ледакола «USS Atka», як і афармленьне ў цэлым, ужо была выкарыстаная ў якасьці вокладкі японскага выданьня Reise, Reise.
  • На носе карабля можна заўважыць дзьве рысы, узятыя з вокладкі Reise, Reise — намёк на ўзаемасувязь двух альбомаў.
  • Да выхаду Rosenrot называўся Reise, Reise Vol. 2 і Reise, Reise II.
  • Сем з адзінаццаці песьняў былі напісаны падчас запісу Reise, Reise, аднак не ўвайшлі на яго й былі выкарыстаны ў гэтым альбоме.
• У буклеце зь песьняй Mann gegen Mann ёсьць памылка — у апошнім прыпеве замест «Mann gegen Mann» напісана «Mann gaygen Mann». Гэта наўмысная трансфармацыя слова «gegen» з дапамогай слова «gay» (па-беларуску: гей)^[3].
• Rosenrot — адзіны альбом, у падтрымку якога не было канцэртнага тура.