Stasi

Stasi — альбом беларускага гурта Neuro Dubel, запісаны ў 2007 годзе^[1]. Гурт запісаў 26 трэкаў: зь іх 7 вершаў і 19 песьняў. У адрозьненьне ад папярэдняга дыску, у гэты ўвайшлі колькі песень па-расейску, але беларускамоўных усё адно большасьць — 12, яшчэ адна песьня дзьвюхмоўная. Музыка на альбоме шчэ больш цяжкая, даволі шмат ненарматыўнай лексыкі. Арыгінальны дыск зьмяшчае таксама кліп на песьню «Край». Альбом запісаны на студыях ТДА «МеццаФортэ» і ТА «Осмос».

Stasi
Альбом Neuro Dubel
Выдадзены	2007
Жанр	рок
Працягласьць	72:30
Выдавец	West Records
Храналёгія Neuro Dubel
Tanki (2004)	Stasi (2007)	Афтары правды (2010)

Сяргей Ясючэня, дырэктар «West Records», аргумэнтуя пашырэньне каталёгу кампаніі выпушчаным дыскам нарыканцы 2007 году, адзначыў, што яго лэйбл стараецца «адсочваць музычныя тэндэнцыі»^[2]. Першы наклад дыскаў быў не завадзкой вытворчасьці, але на якасьць гэта не паўплывала.

Песьня «Свабода» ў 2009 годзе трапіла й на складанку «Budzma The Best Rock / Budzma The Best Rock/New»^[3].

Зьмест

1. «Вітайце!»
2. «Stasi»
3. «Камбайнэрам»
4. «Das Pisch»
5. «Дедушка»
6. «Стих про счастье»
7. «Усама»
8. «Стих про прописку»
9. «Гадзіна»
10. «Пить»
11. «Стих про брифинг»
12. «Сукі»
13. «Згубіўся»
14. «Стих про Саркази»
15. «П…»
16. «Трываю»
17. «Стих про начальника»
18. «Край» (помнік Тацьцяны Кукоўскай)
19. «Кени»
20. «Стих про народы»
21. «У гіпсе!»
22. «Черные глаза»
23. «Стих про слабака»
24. «Лучшая девушка»
25. «Свабода»
26. «Можно жить»

Удзельнікі

• Аляксандар Кульлінковіч: сьпеў
• Юры Навумаў: дадатковы сьпеў
• Віталь Абрамовіч: гітара
• Уладзімер Сахончык: гітара
• Яўген Броўка: бас-гітара
• Андрэй Сьцепанюк: бубны
• Аляксандар Хаўкін: губны гармонік

Праца над дыскам

• Ігар «Гарык»: гукарэжысэр
• Павал Юрцэвіч: гукарэжысэр
• Андрэй Акатаў: гукарэжысэр