WinRAR

WinRAR — файлавы архіватар для Windows з высокай ступеньню сьцісканьня, зьяўляецца адным зь лепшых архіватараў паводле адпаведнасьці ступені сьцісканьня да хуткасьці працы.^[2] Распаўсюджваецца паводле shareware-ліцэнзіі. Вэрсія для плятформы Pocket PC мае ліцэнзію Freeware.

WinRAR
Распрацоўка	Яўген Рашал
Апошняя вэрсія	5.01 (3 сьнежня 2013 г.; 11 гадоў таму)[1]
АС	Microsoft Windows, GNU/Linux, FreeBSD, DOS, OS/2
Тып	Архіватары
Ліцэнзія	прапрыетарная
Афіцыйная старонка	RAR

Асноўныя магчымасьці

• Стварэньне архіваў фарматаў RAR і ZIP.
• Распакоўка архіваў фарматаў CAB, ARJ, LZH, TAR, GZ, ACE, UUE, BZ2, JAR, ISO, 7z, Z.
• Магчымасьць шыфраваньня архіваў з выкарыстаньне альгарытму AES (Advanced Encryption Standard) з даўжынёй ключа ў 128 батаў, пры гэтым у якасьці ключа шыфраваньня выкарыстоўваецца хэш пароля з выкарыстаньнем альгарытма SHA-1.
• Магчымасьць работы з файламі памераў да 8,589 трлн (10¹²) гігабайтаў.
• Стварэньне непарыўных, шматтомных архіваў, а таксама архіваў, якія распакоўваюцца самастойна.
• Дадаваньне ў архівы дадатковай інфармацыі для аднаўленьня архіва ў выпадку яго пашкоджаньня, у тым ліку стварэньне адмысловых тамоў аднаўленьня, якія дазваляюць аднавіць шматтомны архіў пры пашкоджаньні частак з інфармацыяй.
• Поўная падтрымка сыстэма NTFS і імёнаў файлаў у Юнікодзе.
• Падтрымка каманднага радка.

Глядзіце таксама

• RAR
• Сьцісканьне зьвестак
• 7-Zip
• WinZip