ІнтэрПэйБанк

«ІнтэрПэйБанк» — камэрцыйны банк Беларусі, які існаваў 2001—2015 гадох.

ЗАТ «Інтэрпэйбанк»
Тып	закрытае акцыянэрнае таварыства
Заснаваная	2001
Краіна	Беларусь
Разьмяшчэньне	220068, г. Менск, вул. Някрасава, 114
Закрытая	2015
Ключавыя фігуры	старшыня ўправы Ўладзімер Драгун
Галіна	сфэра паслугаў
Прадукцыя	банкаўскі рахунак, уклад
Абарачэньне	▲24 365 млн рублёў (2009 год; 8 691 тыс $)
Апэрацыйны прыбытак	▼11 999 млн рублёў (2009 год; 4 280 тыс $)
Чысты прыбытак	▲8 944 млн рублёў (2009 год[1]; 3 191 тыс $[2])
Лік супрацоўнікаў	>100
Матчына кампанія	«Альянс Іпатэка»
Аўдытар	«КПМГ»
ipaybank.by

Статутны фонд — 150 млрд. руб. (2013)^[3]. Асноўныя акцыянэры: ААТ «Альянс Іпатэка» (Расея, 79,1% акцыяў), ЗАТ «Старбанк» (Расея, 19,72%) і ЗААТ «Сэнтэкінвэст» (Беларусь, 1,18% акцыяў). МФА 153001273, УНП 807000030, АКПА 37560001. S.W.I.F.T.: IPBKBY2X. Тэлекс: 252100 IPBK BY^[4].

Дзейнасьць

Быў чальцом:

• Асацыяцыі беларускіх банкаў;
• паўнапраўным чальцом Банкаўскай асацыяцыі краінаў Цэнтральнай і Ўсходняй Эўропы (па-ангельску: Banking Association for Central and Eastern Europe);
• Міжнароднай аплатнай сыстэмы Visa International;
• Супольнасьці сусьветных міжбанкаўскіх фінансавых тэлекамунікацыяў;
• Адкрытага акцыянэрнага таварыства «Беларуская валютна-фондавая біржа»;
• Сыстэмы «Разьлік» — аўтаматызаванай інфармацыйнай сыстэмы адзінае разьліковае і інфармацыйнае прасторы (АІС АРІП)^[5].

Меў аддзяленьні ў Бабруйску, Гародні і Менску^[6].

Мінуўшчына

Банк паўстаў у верасьні 2001 году ў вольнай эканамічнай зоне «Менск» пад назовам «Паўночны інвэстыцыйны банк»^[7]. 13 лютага 2007 году асноўным акцыянэрам стаў Vicpart Holding SA (Швайцарыя)^[5], у сувязі з чым адбылася зьмена назвы банку на ЗАТ «Крэдэксбанк»^[8]. Ліцэнзія на правядзеньне банкаўскай дзейнасьці №19 выдадзеная 29 сьнежня 2008 году Нацыянальным банкам Беларусі.

22 студзеня 2013 году адбылася зьмена назвы банку на ЗАТ «Інтэрпэйбанк»^[9] у сувязі з адмовай асноўнага акцыянэра Vicpart Holding SA ад працягу дзейнасьці на тэрыторыі Рэспублікі Беларусь^[10]. На 1 студзеня 2013 году «ІнтэрПэйБанк» займаў 27-е месца паводле памеру актываў сярод банкаў Беларусі, якія складалі 0,08 %. Абсяг прыцягнутых сродкаў фізычных асобаў складаў 4 млрд рублёў. 3 лютага 2014 году Ўправа Нацыянальнага банку Беларусі ўхваліла Рашэньне аб прыпыненьні на год дазволу «ІнтэрПэйБанку» прыцягваць сродкі фізычных асобаў на рахункі і ва ўклады ў сувязі зь невыкананьнем шэрагу патрабаваньняў Банкаўскага кодэксу Беларусі^[11]. 8 траўня 2015 году Нацыянальны банк Беларусі адклікаў ліцэнзію на ажыцьцяўленьне банкаўскай дзейнасьці ў ЗАТ «ІнтэрПэйБанк»^[12].